يزرايل گازا سەكتورىنا اۋەدەن سوققى جاسادى
اقپاراتقا سايكەس، اۋە سوققىسىنان جيھادتىق توپتاردىڭ ءبىرىنىڭ جەتەكشىسى ءابۋ ماحمۋد قازا تاپقان. «يسلامدىق جيھاد» (كوپ ەلدەردە جۇمىسى تىيىم سالىنعان ) توبىنىڭ وكىلدەرى كوشباسشىنىڭ ءولىمىن راستاپ، ونىڭ ءولىمى ءۇشىن كەك الۋعا ۋادە بەردى. جۇما كەشىندە گازادان يزرايلگە قاراي جۇزگە جۋىق زىمىران اتقىلاندى.
«يسلامدىق جيھاد» ۇيىمى بۇنى «العاشقى جاۋاپتىڭ» ءبىر بولىگى دەپ اتاعان. ولاردىڭ كوبىن يزرايلدىڭ «تەمىر كۇمبەز» زىمىرانعا قارسى جۇيەسى اتىپ ءتۇسىردى، ءبىراق ەلدىڭ كوپتەگەن جەرلەرىندە اۋە شابۋىلىنىڭ سيرەنالارى ەستىلگەن. وسىدان كەيىن يزرايل قارۋلى كۇشتەرىنىڭ قولباسشىلىعى گازاداعى سودىرلاردىڭ نىساندارىنا سوققى بەرۋدى قايتا باستاعانىن حابارلادى.
يزرايل ارمياسى گازا سەكتورىندا اۋە شابۋىلدارىن «ەرەكشە جاعدايعا» جاۋاپ رەتىندە جاساعانىن مالىمدەدى. شابۋىلدىڭ نەگىزگى نىساناسى «يسلامدىق جيھاد» قوزعالىسىنىڭ مۇشەلەرى بولعان. ناتيجەسىندە 15 سودىردىڭ كوزى جويىلعان.
فوتو: bbc.com
اۆتور زارينا تۋعانبايەۆا
