قازاقستاننىڭ س ءى م لوندونداعى ازەربايجان ەلشىلىگىندەگى شابۋىلدى ايىپتادى
«ديپلوماتيالىق وكىلدىكتەر مەن ولاردىڭ پەرسونالىنا قاتىستى زورلىق- زومبىلىقتىڭ كەز كەلگەن كورىنىسى قابىلدانبايدى دەپ سانايمىز»، - دەپ جازدى ۆەدومستۆو تەلەگرام- ارناسىندا.
ۆەدومستۆونىڭ مالىمەتىنشە، حالىقارالىق قۇقىقتىڭ نەگىزدەرى مەن نورمالارىن بۇزۋدىڭ وسىنداي اكتىلەرى جالپىعا بىردەي ايىپتالۋعا جاتادى جانە ولاردىڭ ۇيىمداستىرۋشىلارىن جاۋاپكەرشىلىككە تارتۋ ماقساتىندا مۇقيات تەرگەۋدى تالاپ ەتەدى. «ءبىز ازەربايجان حالقىنىڭ توزىمدىلىگىنە سەنىمدىمىز جانە باۋىرلاس مەملەكەت ءۇشىن قيىن جاعدايلاردا جان- جاقتى قولداۋ كورسەتۋگە دايىن ەكەنىمىزدى بىلدىرەمىز»، - دەلىنگەن س ءى م مالىمدەمەسىندە.
ەسكە سالساق، 4 - تامىزدا ازەربايجان رەسپۋبليكاسىنىڭ ۇلى بريتانيا جانە سولتۇستىك يرلانديا بىرىككەن كورولدىگىندەگى ەلشىلىك عيماراتىن راديكالدى ءدىني توپ باسىپ الدى. وقيعا كەزىندە ەلشىلىك قىزمەتكەرلەرى زارداپ شەككەن جوق. جەرگىلىكتى قۇقىق قورعاۋ ورگاندارى تەرگەۋ جۇرگىزىپ جاتىر.
رەداكتور اسحات رايقۇل
