بۇرىنعى قۇداسىنان قالىڭمال مۇلكىن تالاپ ەتكەن
ۆەدومستۆونىڭ مالىمەتىنشە، تالاپكەرلەر ج مەن ا سوتقا سالت- ءداستۇر نەگىزىندە قالىڭدىق جاققا بەرىلگەن قالىڭ مال مەن مۇلىكتى (تون، زەرگەرلىك جيىنتىقتار، كوستيۋمدەر جانە ت. ب.) بۇرىنعى قۇداسى - جاۋاپكەر س- دان قايتارىپ الۋ تۋرالى تالاپپەن جۇگىنگەن.
«تالاپكەرلەر مەن جاۋاپكەردىڭ بالالارىنىڭ نەكەدە تۇرعاندارى انىقتالعان. الايدا، 2021 -جىلدىڭ ساۋىرىندە جاستار اراسىنداعى نەكە بۇزىلعان. سوت شەشىمىمەن تالاپتى قاناعاتتاندىرۋدان باس تارتىلدى»، - دەپ جازدى ەلوردالىق سوت.
سوت قالىڭدىق ءۇشىن قالىڭ مال تۇرىندەگى اقشالاي سوما مەن باسقا دا زاتتار سىيلىق رەتىندە بەرىلدى جانە ولاردى جاۋاپكەردەن تالاپ ەتۋگە نەگىز جوق دەگەن قورىتىندىعا كەلدى. سونىمەن قاتار، بۇل زاتتاردى تەك جاۋاپكەر عانا ەمەس، قالىڭدىق جاقتان باسقا دا ادامدار سىيعا العان. سوت شەشىمىن وزگەرىسسىز قالدىرا وتىرىپ، اپەللياتسيالىق سوت كۇيەۋ مەن قالىڭدىقتىڭ اتا- انالارىنىڭ اراسىنداعى سىيلىقتارمەن ءوزارا الماسۋ بويىنشا ءتيىستى راسىمدەر قازاقتىڭ ۇلتتىق داستۇرلەرىنە سايكەس جۇرگىزىلگەنىن اتاپ ءوتتى.
«راسىمدىك ءىس- شارالار كەزىندە بەرىلگەن مۇلىكتى جانە زاتتاردى قايتارۋ تالابى زاڭنامادا كوزدەلمەگەن، تيىسىنشە ورىن العان جاعداي بويىنشا تاراپتار اراسىندا قانداي دا ءبىر مىندەتتەمەلەر تۋىنداعان جوق»، - دەپ جازدى ۆەدومستۆودان.
رەداكتور اسحات رايقۇل
