21:57, 05 - تامىز 2022 | GMT +5
ساياباققا جاي ءتۇسىپ، ءتورت ادام زارداپ شەكتى
ۆاشينگتون. قازاقپارات - ۆاشينگتون ساياباعىنا جاي ءتۇسىپ، زارداپ شەككەن ءتورت ادامنىڭ جاعدايى اۋىر، دەپ حابارلايدى قازاقپارات ABC News-كە سىلتەمە جاساپ.
كولۋمبيا وكرۋگىنىڭ ءورت سوندىرۋشىلەرى مەن جەدەل جاردەم قىزمەتكەرلەرى وقيعا اق ءۇيدىڭ الدىندا ورنالاسقان لافايەت ساياباعىندا بولعانىن ايتتى.
زارداپ شەككەندەر اعاشقا جاقىن جەردەن تابىلعان. اۋىر جاراقات العان ەكى ەر ادام مەن ەكى ايەل اۋداندىق اۋرۋحانالارعا جەتكىزىلدى.
رەسمي تۇلعالاردىڭ ايتۋىنشا، جازاتايىم وقيعانىڭ ءمان-جايى انىقتالىپ جاتىر.
بۇعان دەيىن ءۇندىستاننىڭ ۋتتار-پرادەش شتاتىندا ءبىر اپتادا 50 گە جۋىق ادامعا جاي ءتۇسىپ، كوز جۇمعانى تۋرالى حابارلانعان بولاتىن.
قۇربان بولعانداردىڭ كوپشىلىگى قاتتى مۋسسوندىق جاڭبىر كەزىندە اعاشتاردىڭ استىنا تىعىلعان. قازا تاپقاندار سانىنىڭ ارتۋىنا بايلانىستى ۇكىمەت حالىققا نايزاعاي كەزىندە ءوزىن قالاي قورعاۋ كەرەگى تۋرالى جاڭا ەرەجەلەر تاراتۋعا ءماجبۇر بولدى.
