ەردوعان پۋتينمەن كەلىسسوز جۇرگىزۋ ءۇشىن رەسەيگە ۇشىپ باردى
ەردوعانمەن بىرگە سىرتقى ىستەر ءمينيسترى ميەۆليۋت چاۆۋشوگلۋ، ەنەرگەتيكا جانە تابيعي رەسۋرستار ءمينيسترى فاتيح دونمەز، قازىناشىلىق جانە قارجى ءمينيسترى نۋرەددين نەباتي، ۇلتتىق قورعانىس ءمينيسترى حۋلۋسي اكار، اۋىل شارۋاشىلىعى جانە ورمان شارۋاشىلىعى ءمينيسترى ۆاحيت كيريشچي، ساۋدا ءمينيسترى مەحمەت مۋش، ۇلتتىق بارلاۋ ۇيىمىنىڭ باسشىسى حاكان فيدان، تۇركيا قورعانىس ونەركاسىبى باسقارماسىنىڭ باسشىسى يسمايل دەمير رەسەيگە باردى.
ەردوعان مەن پۋتين وزەكتى جاھاندىق جانە ايماقتىق ماسەلەلەر، تۇركيا مەن رەسەي اراسىنداعى ەكىجاقتى قارىم-قاتىناستار تۋرالى پىكىر الماسادى دەپ كۇتىلەدى.
سيريانىڭ سولتۇستىگىندەگى سوعىس قيمىلدارىنىڭ ىقتيمالدىعى كەزدەسۋدىڭ كۇن تارتىبىندەگى باسىم تاقىرىپ بولماق. سوچيدەگى كەزدەسۋدە تۇركيا باستامالارى جانە رەسەي مەن ۋكراينا كەلىسىمگە قول قويعاننان كەيىن قۇرىلعان استىق ءدالىزى تۋرالى دا تالقىلانادى.
ەكى پرەزيدەنتتىڭ كۇن تارتىبىندە رەسەي-ۋكراينا جانجالى دا بولادى. ەردوعان ءالى دە اتىستى توقتاتۋعا ۇلەس قوسۋعا دايىن ەكەنىن مالىمدەدى.
