قازاقستانداعى ەڭ ۇزىن كوپىر قۇرىلىسى اۋەدەن ۆيدەوعا ءتۇسىرىلدى

نۇر-سۇلتان. قازاقپارات - شىعىس قازاقستان وبلىسىندا بۇقتىرما سۋ قويماسى ارقىلى وتەتىن كوپىر قۇرىلىسى جالعاسىپ جاتىر.

بۇل ەلدەگى ەڭ ۇزىن وتكەل بولماق. Tengrinews.kz تىلشىلەرى وڭىرگە جاساعان ساپارىندا نىساننىڭ قۇرىلىسى بارىسىن اۋدەن ءتۇسىرىپ الدى.

كوپىر قۇرىلىسى 2021 -جىلى كۇرشىم اۋدانىنداعى قۇيعان اۋىلىنىڭ ماڭىندا باستالعان. شىعىس قازاقستان وبلىسى اكىمدىگىنىڭ مالىمەتىنشە، ەكى جولاقتى جول وتكەلىنىڭ ۇزىندىعى 1316 مەتر، ەنى 12,2 مەتر بولادى.

«جوبانىڭ قۇنى - 52,1 ميلليارد تەڭگە. 2022 -جىلعا دەيىن جوبا بويىنشا 3,9 ميلليارد تەڭگە يگەرىلدى. بيىل 10,2 ميلليارد تەڭگە ءبولىنىپ، 4,1 ميلليارد تەڭگە قاراجات يگەرىلدى. يندۋستريا جانە ينفراقۇرىلىمدىق دامۋ ۆيتسە- ءمينيسترى بەكىتكەن جوبا (جول كارتاسى) بويىنشا ۇيىمداستىرۋ شارالارىنىڭ جوسپارى ءتورت جىل ىشىندە، ياعني قۇرىلىس 2024 -جىلعا دەيىن اياقتالادى. قۇرىلىس جۇمىستارى جۇمىس كەستەسىنە سايكەس جۇرگىزىلىپ جاتىر»، - دەدى اكىمدىك وكىلدەرى.

ۆەدومستۆوداعىلار بۇل ەلىمىزدەگى ەڭ ۇزىن كوپىر بولاتىنىن ايتتى. قازىر قۇرىلىسقا 180 ادام، 167 تەحنيكا مەن قۇرال- جابدىقتار جۇمىلدىرىلعان.

جىلى مەزگىلدە كولىك جۇرگىزۋشىلەرى وسكەمەننەن كۇرشىم نەمەسە قۇيعان اۋىلدارىنا جەتۋ ءۇشىن بۇقتىرما سۋ قويماسىنان پاروممەن وتۋگە ءماجبۇر. قىستا مۇز ۇستىمەن. بۇل وبلىس ورتالىعىنان كۇرشىمگە دەيىنگى ەڭ قىسقا جول، 212 شاقىرىم. اينالما جول 400 شاقىرىمعا جۋىق.