الماتىلىقتار قالانى جوسپارلاۋعا قاتىسا الادى

الماتى. قازاقپارات - الماتىدا «قالا تۇرعىنىنىڭ ساۋالناماسى» اتتى ۋربانيستىك زەرتتەۋ جۇرگىزىلىپ جاتىر، دەپ حابارلايدى قازاقپارات ءتىلشىسى.

ساۋالنامانى الماتى قالاسى اكىمدىگىنىڭ قولداۋىمەن «الماتى باس جوسپارى» عىلىمي- زەرتتەۋ ينستيتۋتى» ج ش س قولدانبالى ۋربانيستيكا ينستيتۋتىمەن بىرلەسىپ ازىرلەدى. زەرتتەۋدىڭ ماقساتى قالالىق ينفراقۇرىلىمدى ودان ءارى جاقسارتۋ ءۇشىن يدەيالار مەن ۇسىنىستاردى جيناۋ. «جاۋاپتاردىڭ نەگىزىندە ءبىز ۆەرناكۋليارلىق اۋدانداردىڭ كارتاسىن الا الامىز. الماتىلىقتار قالانى قالاي كورۋدى قالايتىنى، ولاردى نە شابىتتاندىراتىنى، نەنى جاقسارتۋ كەرەكتىگى ايقىندالادى. ناقتى ۋچاسكەلەر بويىنشا سۇرانىستى انىقتاي وتىرىپ، ءبىز ولاردىڭ ساپالى وزگەرۋىن جۇزەگە اسىرا الامىز. سونداي- اق بىزگە جاۋاپكەرشىلىك الىپ، دامۋ جوبالارىنا قاتىسۋعا دايىن، قالانىڭ دامۋىنا نەمقۇرايلى قارامايتىن قالا تۇرعىندارىنىڭ پىكىرى اسا ماڭىزدى»، - دەدى «الماتى باس جوسپارى» ع ز ي» ج ش س ديرەكتورى، ساۋلەتشى اسحات سادۋوۆ.

ناتيجەسىندە ساۋالناما باس جوسپاردى جانە دامۋدىڭ باس جوسپارلارىن ساپالى ازىرلەۋگە قاجەتتى بازا رەتىندە پايدالانىلادى. ساۋالناما 43 سۇراقتان تۇرادى. ساۋالنامادان وتۋگە بولاتىن ورىندار: «الماتى باس جوسپارى» ع ز ي-دىڭ، Q- Lab قالالىق جوبالار زەرتحاناسىنىڭ، الماتى قالاسى قالالىق جوسپارلاۋ جانە ۋربانيستيكا باسقارماسىنىڭ ينتەرنەت- رەسۋرستارى، سونداي-اق حالىققا قىزمەت كورسەتۋ ورتالىقتارى مەن مەترودا. ساۋالنامانىڭ QR- كودى LED- ەكرانداردا، ايالدامالاردا، قوعامدىق كولىكتە قولجەتىمدى.