قىتاي جاپونيانى كوزدەپ بەس زىمىران اتتى

نۇر-سۇلتان.قازاقپارات - قىتاي اسكەرى جاپونياعا قاراستى حاتەرۋما ارالىنا 5 بالليستيكالىق زىمىران اتتى. بۇل تۋرالى جاپون ۇكىمەتىنە سىلتەمە جاساعان «كيودو نيۋز» اقپارات اگەنتتىگى حابارلادى.

جالپى قىتاي 9 زىمىران اتقىلاعان. ولار 350 شاقىرىمنان 700 شاقىرىمعا دەيىن جەتكەن. زىمىرانداردىڭ تورتەۋى تايۆان جەرىن كوكتەي ءوتىپ، بەسەۋى جاپونيانىڭ ايرىقشا ەكونوميكالىق ايماعىنا ءتۇستى. كۇنشىعىس ەلىنىڭ سىرتقى ىستەر ءمينيسترى يوسيماسا حاياسي قىتايدان تايۆان ماڭىندا وق اتقىلاپ جاتقان اسكەري وقۋ- جاتتىعۋدى دەرەۋ توقتاتۋدى تالاپ ەتتى. سونداي- اق جاپون ۇكىمەتى قىتاي بيلىگىنە قارسى ديپلوماتيالىق ارىز ءتۇسىردى.

ايتا كەتەيىك، تايۆانعا ا ق ش- تىڭ وكىلدەر پالاتاسىنىڭ سپيكەرى نەنسي پەلوسي كەلگەننەن باستاپ، ايماقتاعى جاعداي قاتتى ۋشىعىپ تۇر.

www.24.kz