كولساي كولدەرى ۇلتتىق ساياباعىنا باراتىن جول سالىنادى
بۇل تۋرالى كەگەن اۋدانىنا جۇمىس ساپارىمەن بارعان الماتى وبلىسىنىڭ اكىمى مارات سۇلتانعازيەۆ مالىمدەدى، دەپ حابارلايدى قازاقپارات ءتىلشىسى.
ساپار اياسىندا قايىڭدى كولىن ساقتاپ قالۋ ماسەلەسى قارالدى. ءوڭىر باسشىسىنىڭ سوزىنشە، سوڭعى جىلدارى اتالعان سۋ قويماسىنداعى سۋ دەڭگەيى تومەندەپ كەتكەن. سوندىقتان ماسەلىنىڭ شەشىمى رەتىندە مۇندا بوگەت سالۋ جوسپارلانىپ وتىر. بۇل ماسەلە ەكولوگيا مينيسترلىگىمەن بىرلەسىپ پىسىقتالادى.
بۇعان قوسا، تاياۋدا ساياباققا اپاراتىن جولدىڭ قۇرىلىسى باستالىپ، ەلەكتر جەلىلەرى تارتىلادى. ۇلتتىق پارك ديرەكتورىنىڭ ايتۋىنشا، قازىرگى تاڭدا اتتى جانە جاياۋ جۇرگىنشىلەرگە ارنالعان جولدىڭ جوباسى ازىرلەنىپ جاتىر. بۇدان وزگە، كولساي اۋماعىندا بيواجەتحانالار ورناتىپ، تۋريستتىك پوليتسيا بولىمشەلەرى مەن فەلدشەرلىك- اكۋشەرلىك پۋنكت سالۋ ماسەلەسى قارالىپ جاتىر. ايتا كەتەيىك، بۇعان دەيىن ىلە الاتاۋى ۇلتتىق پاركىنىڭ سەل ءجۇرۋ قاۋپى جوعارى ايماقتارىنا بوگەت سالىناتىنىن حابارلاپ ەدىك.
