قازاقستان جاس وسپىرىمدەرى تەننيستەن الەم چەمپيوناتىنىڭ جارتىلاي فينالىندا
قازاقستان تەننيس فەدەراتسياسىنان ءمالىم ەتكەنىندەي، قازاقستاندىق جاس وسپىرىمدەر شيرەك فينالدا سلوۆەنيا قۇراماسىمەن كۇش سىناستى.
ءبىرىنشى كەزدەسۋدە دانيەل تازابەكوۆ تاعى دا ءۇمىتتى اقتادى. باستاپقى پارتيادا سۆيت سۋليچكە 4:6 ەسەبىمەن ەسە جىبەرگەنىنە قاراماستان، جەڭىسكە دەگەن جىگەرىن تانىتا ءبىلدى.
ەكىنشى سەتتە تاي-برەيكتە قارسىلاسىن تىعىرىققا تىرەدى - 7:6 (8:6).
ءۇشىنشى، شەشۋشى پارتيادا دانيەل 4:1 ەسەبىمەن العا شىقتى.
التىنشى گەيمدە سۋليچ مەديتسينالىق كومەككە جۇگىندى. جاس قازاقستاندىق تەننيسشى تىزگىندى ۋىسىنان شىعارعان جوق - 6:2.
سودان كەيىن قوس قۇرامانىڭ كوشباسشىلارى زاڭعار نۇرلان ۇلى مەن جيگا شەشكو كورتقا شىقتى.
ءبىرىنشى سەت زاڭعاردىڭ پايداسىنا شەشىلدى - 6:4. ەكىنشى پارتيادا دا ول شەبەرلىگىنىڭ باسىم ەكەندىگىن كورسەتتى - 6:3.
وسىلايشا، قازاقستان جاس وسپىرىمدەر قۇراماسى (كاپيتانى سەرگەي كۆاك) ءوز تاريحىندا العاش رەت الەم چەمپيوناتىنىڭ جارتىلاي فينالىنا ءوتتى.
ەسكە سالا كەتەيىك، بۇدان بۇرىن تەننيستەن الەم چەمپيوناتىندا قازاقستاندىق جاس وسپىرىمدەردىڭ العاش رەت شيرەك فينالعا شىققانىن، ولاردىڭ سلوۆەنيا قۇراماسىمەن وينايتىنىن جازعان بولاتىنبىز.
