ۋكراينادان شىققان استىق تۇركياعا جەتتى

نۇر- سۇلتان. قازاقپارات - ۋكراينانىڭ ءداندى داقىلى تيەلگەن العاشقى كەمە تۇركياعا جەتتى. ەندى كولىك ارنايى كوميسسيانىڭ ءجىتى تەكسەرىسىنەن ءوتۋى كەرەك. ونىڭ قۇرامىندا ۋكراينا، رەسەي، تۇركيا جانە بۇۇ- نىڭ ماماندارى بار، دەپ حابارلايدى «حابار 24».

ەگەر ەسكەرتۋلەر مەن زاڭ بۇزۋشىلىق بايقالماسا كەمە تريپولي پورتىنا قاراي باعىتىن جالعاستىرادى. ەستەرىڭىزگە سالايىق، 22- شىلدەدە ۋكراينا مەن تۇركيا ب ۇ ۇ- نىڭ ارا اعايىندىعىمەن جاسالعان كەلىسىمنەن كەيىن ودەسسا پورتىنان ۋكراينا استىعى تيەلگەن العاشقى جۇك كەمەسى جولعا شىقتى. سەررا- لەونە تۋىن كوتەرگەن سۋ كولىگى ليۆانعا 26 مىڭ توننا جۇگەرى جەتكىزۋى ءتيىس. بارلىعى ءساتتى وتسە، الداعى ۋاقىتتا پورتتا تۇرعان 15 كەمە دە جولعا شىقپاق.

ايتا كەتەيىك، قارۋلى قاقتىعىستىڭ سالدارىنان قازىر ۋكراينادا 20 ميلليون توننا استىق ەكسپورتقا شىعا الماي تۇرالاپ تۇر.

www.24.kz