15:45, 04 - تامىز 2022 | GMT +5
الما- اراسان شاتقالىنا اپاراتىن جول جوندەلەدى
الماتى. قازاقپارات- الما- اراسان شاتقالىنا اپاراتىن جول 2023 -جىلى جوندەلەدى. بۇل تۋرالى الماتى اكىمى ەربولات دوسيەۆ تۇرعىندارمەن كەزدەسۋ بارىسىندا ايتتى، دەپ حابارلايدى قازاقپارات ءتىلشىسى.
جول ماسەلەسىن بوستاندىق اۋدانىنىڭ تۇرعىنى كوتەردى. ايتۋىنشا، قالا تۇرعىندارىنىڭ سۇيىكتى دەمالىس ورنى - الما- اراسان شاتقالى. ەكوپوستان وتكەنەن كەيىنگى جول وتە ناشار. «جىل سايىن تەك شۇڭقىرلاردى جاۋىپ كەتەدى. جوندەۋ جۇمىستارى قاشان جۇرگىزىلەدى»، - دەپ ساۋال قويدى اۋدان تۇرعىنى.
ەربولات دوسايەۆ بۇل جولدىڭ قالاعا قارامايتىنىن ايتتى.
«بۇل جول «قازاۆتوجولدىڭ» بالانسىندا. بيىل جوبا دايىنداپ جاتىر، كەلەسى جىلى قۇرىلىستى قارجىلاندىرۋعا ءوتىنىم بەرەدى. مەن ءوزىم جاقىندا وسى باعىتتا ءجۇرىپ، بۇل جولدىڭ ساپاسىن كوردىم. ولار ونى بيىل الادى دەپ ۇمىتتەنەمىن. سونداي- اق ءبىز ءۇشىن تۋريزم مەن حالىق دەمالىسىن دامىتۋ ماڭىزدى. ولارعا قولداۋ كورسەتۋ ءۇشىن وسى ماسەلەگە ءوز ۇلەسىمدى قوسۋعا تىرىسامىن»، - دەپ جاۋاپ بەردى ول.
اۆتور الما مۇقانوۆا
