اقمولا اۋىلىندا قوي برۋتسەللەزىنە بايلانىستى شەكتەۋ شارالارى ەنگىزىلدى

كوكشەتاۋ. قازاقپارات - اقمولا وبلىسى استراحان اۋدانىنىڭ پەتروۆكا اۋىلىندا قوي برۋتسەللەزىنە بايلانىستى شەكتەۋ شارالارى ەنگىزىلدى، دەپ حابارلايدى قازاقپارات ءتىلشىسى.

اقمولا وبلىسى ۆەتەريناريا باسقارماسىنىڭ باسشىسى تالعات ءجۇنىسوۆتىڭ ايتۋىنشا، پەتروۆكا اۋىلىنداعى ءبىر ۇيدەگى 97 قويدىڭ 23- ءى برۋتسەللەزگە وڭ ناتيجە كورسەتسە، تاعى 29 قويى كۇماندى.

«قويدان الىنعان سىناما پ ت ر ادىسىمەن انىقتاۋ كەزىندە وڭ ناتيجە كورسەتتى. وسىعان بايلانىستى بيىلعى جىلعى 28- شىلدەسىندە اكىم اۋىل اۋماعىندا شەكتەۋ ءىس - شارالارىن بەلگىلەۋ تۋرالى شەشىم قابىلدادى»، - دەدى تالعات ءجۇنىسوۆ.

باسقارما باسشىسى اتاپ وتكەندەي، شەكتەۋ شارالارى بارىسىندا ءسۇت ساتىپ الىنبايدى جانە مال سويىلمايدى. اۋىرۋ مالمەن رەسپۋبليكالىق ەپيزووتياعا قارسى جاساق (ر پ و) اينالىسپاقشى، سونىمەن بىرگە ۆەتەرينارلىق ينسپەكتسيانىڭ باقىلاۋىمەن ساۋىقتىرۋ ءىس- شارالارى وتكىزىلەتىن بولادى. ءار 15 كۇن سايىن ولار جانۋارلاردان قان الىپ، اۋىلداعى بارلىق مالدى تەكسەرەتىن بولادى.

ايتا كەتسەك، بۇدان بۇرىن اقمولا وبلىسىندا ەت ونىمدەرىنىڭ 12 پايىزى ساپاسىز ەكەنى انىقتالعان ەدى.

اۆتور اسلان وسپانوۆ