قورعانىس مينيسترلىگى كەيبىر اسكەري تەحنيكالاردى نەگە ساتىپ الماي وتىرعانىن ءتۇسىندىردى
«ەرتەڭ سوعىس باستالسا، نە بولادى؟ قازاقستاننىڭ قورعانىس ونەركاسىبى نەمەن كۇنەلتىپ ءجۇر. 1- ءبولىم» دەگەن تاقىرىپپەن جاريالانعان ماقالادا قازاقستاننىڭ قورعانىس- ونەركاسىپ كەشەنى كاسىپورىندارى قاۋىمداستىعىنىڭ ءتوراعاسى ايبەك بارىسوۆتىڭ ۋاجدەرى بەرىلگەن.
ونىڭ ايتۋىنشا، «قازاقستان پاراماۋنت ينجينيرينگ» ج ش س- ءنىڭ مينا مەن جارىلعىش زاتتارعا قارسى تەحنولوگيا بويىنشا قۇراستىرىلعان «Mine Resistant Ambush Protected» اتتى ساۋىتتى تاسىمالداعىش تەحنيكاسىن ق ر قورعانىس مينيسترلىگى قاجەتتى كولەمدە ساتىپ الماي وتىر. ماتەريالدا بۇرىنعى مينيستر نۇرلان ەرمەكبايەۆ رەسەيلىك تەحنيكالاردى ساتىپ الۋعا پەيىلدى بولسا، قازىرگى مينيستر رۋسلان جاقسىلىقوۆتىڭ تۇركيالىق وندىرۋشىلەردىڭ ءونىمىن ساتىپ الۋعا نيەتتى ەكەنى ايتىلعان.
قورعانىس مينيسترلىگىنىڭ وسى ماقالاعا قاتىستى رەسمي ۇستانىمى ايتىلعان جاۋاپتا «قازاقستان پاراماۋنت ينجينيرينگ» كومپانياسىنىڭ ۇسىنىپ وتىرعان تەحنيكاسى تۋرالى ءبىراز مالىمەت بەرىلگەن.
«قازاقستان پاراماۋنت ينجينيرينگ» ج ش س- ءنىڭ قۇرىلتايشىلارىنىڭ ءبىرى – Paramount Group Limited كومپانياسى. بۇل - وڭتۇستىك افريكا رەسپۋبليكاسىنىڭ قورعانىس جانە ايەروعارىش تەحنيكاسىنا ماماندانعان كورپوراتسياسى. قازاقستاندىق كومپانيا اتالعان كاسىپورىننىڭ ساۋىتتى تەحنيكاسىنىڭ كوشىرمەسىن قۇراستىرىپ كەلدى. باستاپقىدا «ارلان» ساۋىتتى دوڭگەلەكتى ماشيناسى وڭتۇستىك افريكانىڭ Marauder برونەترانسپورتەرىنىڭ كوشىرمەسى بولدى. 2011 -جىلى وار كومپانياسى Singapore Technologies Kinetics كاسىپورنىمەن 90 ميلليون ەۋروعا ساۋىتتى كولىك جەتكىزۋ تۋرالى مامىلە جاساستى. الايدا، 2016 -جىلدان باستاپ ول تاپسىرىستى تولىق كولەمدە جۇزەگە جەتكىزبەي، 2018 -جىلدىڭ اقپان ايىندا STK PCS ءوزىن بانكروت دەپ جاريالاۋعا ءوتىنىش بەردى. 2018 -جىلى وڭتۇستىك افريكا كومپانياسى قارجىلىق قيىندىقتارعا جانە ءوز مىندەتتەمەلەرىن ۋاقتىلى ورىنداماۋىنا بايلانىستى بانكروت دەپ جاريالاندى جانە ءوز قىزمەتىن توقتاتتى»، - دەپ جازىلعان ۆەدومستۆونىڭ جاۋابىندا.
مينيسترلىك مالىمەتىنە سەنسەك، ميناعا قارسى كۇشەيتىلگەن قورعانىسى (MRAP) بار «مارادەر» جانە «ماتادور» ساۋىتتى اۆتوموبيلدەرى قاۋرلى كۇشتەردىڭ قىزمەتىنە ارنالماعان. تەك قوعامدىق ءتارتىپ پەن قاۋىپسىزدىكتى قامتاماسىز ەتۋگە، ياعني پوليتسيا قىزمەتىنىڭ فۋنكتسيالارىنا، تەرروريزمگە قارسى وپەراتسيالاردى جۇرگىزۋگە، شەكارادا پاترۋلدەۋگە ارنالعان كورىنەدى.
«كەڭ اۋقىمدى ماركەتينگتىك اكسياعا قاراماستان، بۇل ساۋىتتى ترانسپورتەرلەردىڭ تۇرلەرى وڭتۇستىك افريكا ارمياسىندا جوق. ال وندىرىلگەن 25 برونەترانسپورتەر وڭتۇستىك افريكا پوليتسياسىنىڭ بولىمشەلەرىنە بەرىلگەن. قازىرگى تاڭدا وڭتۇستىك افريكا رەسپۋبليكاسىنداعى كومپانيا دا «مارادەر» جانە «ماتادور» برونەاۆتوبيلدەرىن ءوندىرۋدى توقتاتتى.
قورعانىس مينيسترلىگىندەگىلەر «قازاقستان پاراماۋنت ينجينيرينگ» ج ش س سۇرانىستان ءتۇسىپ قالعان وندىرىسپەن اينالىسىپ ءجۇر دەگەن پايىم ايتقان. «وسىلايشا، «قازاقستان پاراماۋنت ينجينيرينگ» ج ش س سۇرانىستا جوق ءونىمدى وندىرەتىن جالعىز كومپانيا بولىپ وتىر. «وڭتۇستىك افريكالىقتار قازاقستاندىق كاسىپورنعا بۇكىل تەحنولوگيا مەن سىزبالاردى تاپسىردى» دەگەن ۋاجگە جاۋاپ بەرسەك، اتالعان مودەل وندىرىستەن شىعارىلعان. ال زاۋىت بانكروتقا ۇشىراعان. بۇل ساۋىتتى دوڭگەلەكتى تەحنيكا الەمنىڭ ەشبىر ارمياسىندا قولدانىلمايدى. سوندىقتان تەحنيكالىق قۇجاتتاما «قازاقستان پاراماۋنت ينجينيرينگ» ج ش س- نە بەرىلگەن. ال قۇجاتتاما شىعىندارى ءونىمىنىڭ قۇنىنا ەنگىزىلگەن»، - دەدى مينيسترلىك.
فوتو: gov.kz
