12:26, 04 - تامىز 2022 | GMT +5
پوليتسيا كولىگى سوققان الماتىلىق ايەل وقيعا ورنىندا كوز جۇمدى
الماتى. قازاقپارات- الماتىدا پوليتسيانىڭ قىزمەتتىك اۆتوكولىگى جولدان ءوتىپ بارا جاتقان ايەلدى قاعىپ كەتتى، سالدارىنان 49 جاستاعى الماتىلىق وقيعا ورنىندا كوز جۇمدى، دەپ حابارلايدى قازاقپارات ءتىلشىسى.
الماتى قالالىق پوليتسيا دەپارتامەنتى بۇل اقپاراتتى راستادى. وقيعا 3- تامىز كۇنى تۇنگى ۋاقىتتا جانسۇگىروۆ كوشەسىنىڭ بويىندا بولعان.
«پوليتسيانىڭ قىزمەتتىك كولىگىن تىزگىندەگەن 1993 -جىلعى ازامات - پاترۋلدىك پوليتسيا پولكىنىڭ قىزمەتكەرى جانسۇگىروۆ كوشەسىمەن وڭتۇستىك باعىتتا كەلە جاتىپ، اقپايەۆ كوشەسىمەن قيىلىستا 49 جاستاعى ايەلدى قاعىپ كەتتى. وكىنىشكە وراي، ايەل وقيعا ورنىندا كوز جۇمدى»، - دەلىنگەن دەپارتامەنت حابارلاماسىندا.
اتالعان دەرەك ق ر ق ك- ءنىڭ 345-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. پوليتسيا قىزمەتكەرى ۋاقىتشا ۇستاۋ يزولياتورىنا قامالدى.
اۆتور الما مۇقانوۆا
