تاۋلى كاراباحتا جاعداي قايتا شيەلەنىستى

نۇر- سۇلتان. قازاقپارات - تاۋلى كاراباحتا ازەربايجان مەن ارميان كۇشتەرى تاعى قاقتىعىسىپ، بىرنەشە جاۋىنگەر قازا تاپتى. اسكەري قيمىلدار لاچين اۋدانىندا بولدى، دەپ حابارلايدى «حابار 24».

ازەربايجان تاراپىنىڭ مالىمدەۋىنشە، ۇرىس تانىلماعان تاۋلى كاراباح رەسپۋبليكاسى كۇشتەرىنىڭ ازەربايجان جاساقتارى بەكىنىسىن اتقىلاۋىنان باستالعان. شابۋىلدان ءبىر سارباز قازا تاپتى. ازەربايجان تاراپى قارىمتا جاۋاپ رەتىندە، قارسى جاقتىڭ 2 جاۋىنگەرىن مەرت قىلىپ، 14- ءىن جارالاعان. ءبىرقاتار جوتانى باقىلاۋىنا العانىن ايتادى. تانىلماعان تاۋلى كاراباح رەسپۋبليكاسى جارتىلاي موبيليزاتسيالاۋ جاريالادى.

ەسكە سالا كەتەيىك، 2020 -جىلى قىركۇيەك ايىندا تاۋلى كاراباحتا جاعداي قايتا شيەلەنىسىپ، ەكى ەل اراسىندا سوعىس بولعان ەدى. اسكەري قيمىلدار قاراشا ايىندا ارمەنيا، ازەربايجان جانە رەسەيدىڭ ءۇش جاقتى كەلىسىمگە قول قويۋىمەن اياقتالىپ، باكۋ، شۋشا قالاسى مەن تاعى بىرنەشە اۋداندى قايتارىپ الادى.