اۋىل اكىمى الەۋمەتتىك جەلىدە وزىنە ءتىل تيگىزگەندەردى سوتقا بەردى
ۆيتالي برۋتسكيدىڭ ايتۋىنشا، Instagram پاراقشالارىنىڭ بىرىندە ول ءوزىنىڭ دوسىنا 18 گەكتار جەر راسىمدەگەنى تۋرالى ۆيدەو جاريالانعان. بۇل ۋچاسكە ازاماتتاردىڭ شاعىمى بويىنشا تەكسەرىلگەنى ايتىلعان. ونىڭ اۋماعى «تازالانباعان، قازانشۇڭقىر، قابىرشاق، قۇبىرلار قالدىرىلعان».
اۆتور اتالعان پوستقا وڭىرلىك سىبايلاس جەمقورلىققا قارسى قىزمەتكە، پروكۋراتۋرا مەن وبلىس اكىمىنە نازار اۋدارۋدى سۇراعان. ونىڭ سوزىنشە، ەگەر ماسەلە شەشىلمەسە، پرەزيدەنتكە جۇگىنەدى. الايدا، اۋىلدىق وكرۋگ باسشىسى ۆ. برۋتسكي تاراتىلعان اقپاراتتى جوققا شىعاردى. بۇدان بولەك، ۆيتالي برۋتسكيدىڭ اتىنا وزگە ءبىر ازامات قورلىق سوزدەر جولداعان.
ماسەلەن، «دەپۋتاتقا سۇراق» WhatsApp-چاتىندا ەر ادام اۋىل اكىمىن ارەكەتسىزدىك ءۇشىن ايىپتاپ، داۋىستىق حابارلاما جىبەرگەن. گريگوريەۆكا اۋىلدىق وكرۋگىنىڭ اكىمى ۆيتاليي برۋتسكي سوتقا ارىزدانىپ، وندا Instagram جانە WhatsApp-تا تاراتىلعان ءوزىنىڭ ار- نامىسى مەن قادىر- قاسيەتىنە نۇقسان كەلتىرەتىن اقپاراتتى شىندىققا سايكەس كەلمەيدى دەپ تانۋدى، سونداي- اق ەكى جاۋاپكەردەن بۇل اقپاراتتى جوققا شىعارۋدى مىندەتتەۋدى سۇرادى. سونداي- اق مورالدىق زيان ءۇشىن ەكەۋىنەن دە 500 مىڭ تەڭگەدەن ءوندىرىپ الۋدى تالاپ ەتتى. جاۋاپكەرلەردىڭ بىرىنە قاتىستى ءىستى پاۆلودار قالالىق سوتى قاراۋعا كىرىستى.
