شاحمات وليمپياداسى: قازاقستان ايەلدەر قۇراماسى ءبىرىنشى رەت جەڭىلىس تاپتى

نۇر- سۇلتان. قازاقپارات - قازاقستان ايەلدەر قۇراماسى ءۇندىستاندا ءوتىپ جاتقان شاحمات وليمپياداسىندا ازەربايجانعا ەسە جىبەردى.

بۇل - قازاقستاندىق شاحماتشىلاردىڭ اتالعان سايىستاعى العاشقى جەڭىلىسى، دەپ حابارلايدى قازاقپارات ءتىلشىسى.

«سپورت شرەدينگەرا» تەlegram - كانالىنىڭ حابارلاۋىنشا، ايەلدەر قۇراماسى ازەربايجان كومانداسىنان 1:3 ەسەبىمەن ۇتىلعان. ال، جانسايا ابدىمالىك پەن ءبيبىسارا اساۋبايەۆا قارسىلاستارىمەن تەڭ تۇسسە، كسەنيا بالابايەۆا مەن گۇلىسحان ناحبايەۆا جەڭىلىس تاپتى. وسىلايشا، ايەلدەر قۇراماسىنىڭ ەنشىسىندە 4 جەڭىس، 1 تەڭ ويىن جانە 1 جەڭىلىس بار. بۇل كورسەتكىشپەن قازاقستاندىق كوماندا ءۇندىستانداعى دۇنيەجۇزىلىك شاحمات وليمپياداسىنىڭ تۋرنير كەستەسىندە 6-ورىننان 14-ورىنعا سىرعىدى.

ەرتەڭ - سپروتشىلار ءۇشىن دەمالىس كۇنى. كەيىن 5-تامىزدا قازاقستان ايەلدەر قۇراماسى ۆەتناممەن وينايدى.

ەسكە سالساق، كەشە شاحمات وليمپياداسىندا قازاقستان ەرلەر قۇراماسى چەحيانى 2,5:1,5 ەسەبىمەن ۇتقانىن جازىپ ەدىك.