ا ق ش سەناتى فينليانديا مەن شۆەتسيانىڭ ناتو- عا قوسىلۋىن قولداپ داۋىس بەردى
100 سەناتوردىڭ 95 ءى اتالعان ەكى ەلدىڭ ناتو- عا قوسىلۋىن جاقتاپ داۋىس بەردى، تەك بىرەۋى قارسى بولدى. كەلىسىمدى الۋ ءۇشىن 67 داۋىس جەتكىلىكتى. ەندى ناتو- عا مۇشە بارلىق 30 ەل وتىنىمدەردى قابىلداۋى كەرەك. سودان كەيىن عانا فينليانديا مەن شۆەتسيا مۇشەلىككە تولىققاندى وتە الادى. پروتسەدۋرا بىرنەشە ايعا سوزىلۋى مۇمكىن.
«ورتاق قاۋىپسىزدىگىمىزگە كەز كەلگەن قاۋىپ- قاتەرگە قارسى قىراعىلىقتى ساقتاۋ ءۇشىن جۇمىس ىستەۋدى جالعاستىرامىز. سونداي- اق اگرەسسياعا نەمەسە اگرەسسيا قاتەرىنە قارسى تۇرىپ، وعان جول بەرمەيتىن بولامىز»، - دەدى ەل پرەزيدەنتى دجو بايدەن سەناتتا داۋىس بەرۋ وتكەننەن كەيىن.
«قوسىلۋ تۋرالى حاتتامالارعا قول قويۋدى تاعاتسىزدانا كۇتەمىن جانە اسا جوعارى قارۋلانعان كۇشى بار ەكى قۋاتتى دەموكراتيا - شۆەتسيا مەن فينليانديانى تاريحتاعى اۋقىمدى قورعانىس وداعىنىڭ قۇرامىندا كورۋگە قۋانىشتىمىن»، - دەپ قوستى ول.
