اقتاۋدا تۋرنيكتە تارتىلۋ سپورت فەستيۆالىنىڭ جەڭىمپازدارى ماراپاتتالدى
وندا ماڭعىستاۋلىق دامير نابيەۆ 44 رەت تۋرنيككە تارتىلىپ، رەكوردتى جاڭارتتى، دەپ حابارلايدى قازاقپارات ءتىلشىسى. اقتاۋدا وتكەن سايىستا جاسى مەن سالماعىنا قاراي 9 كاتەگوريا بويىنشا 297 ادام سىنعا ءتۇستى. بارلىق قاتىسۋشىلاردى قوسا ەسەپتەگەندە ماڭعىستاۋلىقتار 5737 رەت تۋرنيككە تارتىلدى. كاسپي تەڭىزى جاعالاۋىنداعى امفيتەاتردا وتكەن شاراعا اقتاۋ، جاڭاوزەن جانە قالا ماڭىنداعى اۋىل، اۋدانداردان قاتىسۋشىلار مەن كورەرمەندەر كەلدى. جارىستى تاماشالاۋعا 3 مىڭنان اسا ادام جينالدى. ولار قاتىسۋشىلارعا قولداۋ ءبىلدىرىپ، قوشەمەت كورسەتۋدەن ايانىپ قالمادى. تۋرنيككە تارتىلعانداردىڭ ەڭ ەگدەسى 67 جاستاعى مۇڭالباي تۋكەشوۆ بولسا، ەڭ كىشىسى 7 جاسار اسلان سانسىزباي مەن ارسەن راميل بولدى. ولاردىڭ ءارقايسىسى 10 نان اسىرىپ تارتىلدى. سپورتقا قۇمار جاس ورەندەرگە ارنايى سىيلىق تابىستالدى. سايىستا جاستار ەرەكشە بەلسەندىلىك تانىتتى. 30 دان اسىرىپ تارتىلعاندار از بولمادى. ۇيىمداستىرۋشىلار ماڭعىستاۋلىقتاردىڭ سپورتقا دەگەن قۇلشىنىسىن ەرەكشە اتاپ ءوتتى.
جارىسقا قاتىسۋشىلاردىڭ جاسىنا، سالماعىنا شەكتەۋ قويىلماعان. ءتىپتى كاسىبي سپورتشىلارعا دا مۇمكىندىك بەرىلگەن. فەستيۆال قورىتىندىسىندا 27 جۇلدەگەر انىقتالدى. سايىستىڭ جالپى جۇلدە قورى - 3 ميلليون تەڭگە. ءبىرىنشى ورىنعا - 200000 تەڭگە، ەكىنشى ورىنعا - 100000 تەڭگە جانە ءۇشىنشى ورىن العان جۇلدەگەرلەرگە 50000 تەڭگە كولەمىندە قارجىلاي جۇلدە تابىستالدى.
18 جاسقا دەيىنگىلەر (55 كەلى)
1. تلەۋليەۆ نۇرحات 28 رەت
2. راسۋل سايات 27 رەت
3. ەرگەنعالي اليجان 27 رەت
18 جاسقا دەيىنگىلەر (55-70 كەلى ارالىعى)
1. سۇيىندىك ايدوس 31 رەت
2. اسان ۇلى دياس 27 رەت
3. حاليلوۆ سەركەر 25 رەت
18 جاسقا دەيىنگىلەر (70 كەلىدەن جوعارى)
1. تەمىرحان مەيرامبەك 23 رەت
2. جارحۋ نۇرقانات 22 رەت
3. رامالدانوۆ ارتۋر 21 رەت
18-30 جاستاعىلار (65 كەلىگە دەيىن)
1. اياپ ابىلايحان 35 رەت
2. اسيليەۆ رۋسلان 34 رەت
3. لوبانوۆ دميتري 33 رەت
18-30 جاستاعىلار (65-80 كەلى ارالىعى)
1. تاڭاتوۆ بەرەكەت 33 رەت
2. ارسلانبايەۆ اياپبەرگەن 32 رەت
3. ماراتوۆ دامير 31 رەت
18-30 جاستاعىلار (80 كەلىدەن جوعارى)
1. ميرجانوۆ ارمان 30 رەت
2. پوپوۆ ەۆگەني 26 رەت
3. بيسەن يسلام 25 رەت
30 جاستان جوعارى (80 كەلىگە دەيىن)
1. نابيەۆ دامير 44 رەت
2. ەشيموۆ نۇرلان 31 رەت
3. ابدجەمالوۆ پاراحات 31 رەت
30 جاستان جوعارى (80-90 كەلى ارالىعى)
1. تاۋبولعانوۆ ولجاس 24 رەت
2. ايداۋلەتوۆ ەرعۇلان 24 رەت
3. پىشەنبايەۆ نۇرلان 23 رەت
30 جاستان جوعارى (90 كەلىدەن استام)
1. عادجيبەكوۆ ۆاليد 28 رەت
2. سۇلەيمەنوۆ مۋسا 22 رەت
3. يمانكۋلوۆ ەرعالي 22 رەت
44 رەت تۋرنيككە تارتىلىپ رەكورد جاڭارتقان دامير نابيەۆ 32 جاستا. ول 30 جاستان جوعارى 80 كەلىگە دەيىنگى كاتەگوريادا باق سىنادى. ايتا كەتەيىك، بۇدان بۇرىن شىمكەنتتىك ازامات ساپار تۋرنيكتە 41 رەت تارتىلىپ، رەكوردتىق كورسەتكىشكە جەتكەن ەدى.
فەستيۆال سوڭىندا كورەرمەندەر ەسترادا جۇلدىزى نۇرجان كەرمەنبايەۆتىڭ جانە جەرگىلىكتى ونەرپازداردىڭ كونتسەرتىن تاماشالادى. جالپى تۋرنيككە تارتىلۋدان «Tartyl Fest» رەسپۋبليكالىق سپورت فەستيۆالى قونايەۆ قالاسىندا باستالىپ، تالدىقورعان، الماتى، تاراز، شىمكەنت، تۇركىستان، قىزىلوردا، اتىراۋ قالالارىندا جالعاسقان ەدى. سپورت فەستيۆالى ەلىمىزدەگى ءىرى 20 قالادا وتىكىزىلىپ، 6-قىركۇيەكتە اياقتالادى. ءار قالادان 27 جەڭىمپاز انىقتالىپ، نۇر- سۇلتان قالاسىندا وتەتىن گراند- فينالعا قاتىسادى. گراند- فينالدىڭ جۇلدە قورى - 54 ميلليون تەڭگە. ال گراند- فينال چەمپيوندارى Street Workout بويىنشا الەم چەمپيوناتىنا قاتىسۋعا مۇمكىندىك الادى.
