ەۋروپانىڭ تۋريستىك سەكتورىندا كادرلار جەتىسپەي جاتىر

نۇر- سۇلتان. قازاقپارات - الەمنىڭ كوپتەگەن ەلدەرىندە كوروناۆيرۋستىق شەكتەۋ شارالارى الىنىپ، ازاماتتاردىڭ ەركىن ساياحاتتاۋىنا مۇمكىندىك تۋدى.

الايدا، بۇل باعىتتا تۋريستتەرگە قىزمەت كورسەتەتىن جۇمىسكەرلەر جەتىسپەي جاتىر، دەپ حابارلايدى قازاقپارات ءتىلشىسى Euronews-كە سىلتەمە جاساپ.

بۇگىندە قوناق ءۇي جانە مەيرامحانا يەلەرى كارانتين سالدارىنان بولعان شىعىنداردى وتەۋ ءۇشىن قىزمەتكەرلەردىڭ جالاقىسىن قىرسقارتۋدا. دۇنيەجۇزىلىك ساياحات جانە تۋريزم كەڭەسىنىڭ زەرتتەۋىنە سايكەس، اعىمداعى جىلى تۋريستىك سەكتورداعى ەڭ كوپ كادر تاپشىلىعى - يتاليادا ورىن الىپ وتىر. وندا 250 مىڭ جۇمىسشى جەتىسپەيدى. ال، فرانسيادا تۋريستەرگە قىزمەت كورسەتىن - 71 مىڭ، ۇلى بريتانيادا - 128 مىڭ جانە پورتۋگاليادا - 49 مىڭ پەرسونال تاپشى.

فرانسيا مەن پورتۋگاليا ماسەلەنى شەشۋ ءۇشىن قىزمەتكە ەميگرانتتاردى تارتۋدا. بۇل ورايدا، ۇلى بريتانيا ۇكىمەتى بولسا، شەتەلدەن جۇمىس كۇشىن تارتۋعا قارسىلىق ءبىلدىردى. دۇنيەجۇزىلىك ساياحات جانە تۋريزم كەڭەسىنىڭ ماماندارى اتالعان سالاداعى كادر تاپشىلىعىن رەتتەۋ ماقساتىندا ءتيىمدى ۆيزالىق تالاپتار، مامانداردى وقىتۋ مەن ولاردىڭ بىلىكتىلىكتىلىگىن ارتتىرۋعا نەگىزدەلگەن باعدارلامالارىن ەنگىزۋدى ۇسىنىپ وتىر.

قوسا كەتسەك، بۇعان دەيىن ەۋروپانىڭ ازاماتتىق اۆياتسيا سالاسى داعدارىسقا ۇشىراپ جاتقانىن جازعان بولاتىنبىز. ونداعى داعدارىستىڭ باستى سەبەبى - دەمالىس ماۋسىمىندا ۇشاق بيلەتتەرىنە دەگەن سۇرانىستىڭ شامادان تىس ارتقانى. تيىسىنشە، كوپ كولەمدەگى تۋريستەرگە قىزمەت كورسەتۋ ءۇشىن جۇمىس كۇشى جەتىسپەي جاتىر.