اقتاۋ تۇرعىنى تۋرنيككە تارتىلۋدان جاڭا رەكورد ورناتتى
«Tartyl Fest» فەستيۆالى اقتاۋ قالاسىندا بيىل وسىمەن توعىزىنشى رەت ۇيىمداستىرىلىپ وتىر. تۋرنير قالا جاعالاۋىندا ورنالاسقان امفيتەاتردا ءوتىپ جاتىر. 3-تامىزدا ساعات 9:00 دەن 11:00 گە دەيىن قاتىسۋشىلار تىركەۋدەن ءوتىپ، سالماق ولشەپ، كەيىن قاتىسۋشى ءنومىرىن الدى. جارىس اقتاۋ ۋاقىتىمەن 19:00 دە باستالدى. قازىر دە ول اياقتالۋعا جاقىن. تۋرنير بارىسىندا 32 جاستاعى قاتىسۋشى دامير نابي ەۆ جاڭا رەكورد ورناتتى. ول تۋرنيككە 44 رەت تارتىلدى. بۇعان دەيىنگى رەكورد 23-شىلدەدە شىمكەنتتە وتكەن فەستيۆال بارىسىندا تىركەلگەن ەدى. ول جولى تۋرنيرگە قاتىسۋشى ازامات ساپەر بەلتەمىرگە 41 رەت كوتەرىلدى.
فەستيۆالگە قاتىسۋشى 20 قالانىڭ تۇرعىندارىنا ەرەجە بىردەي. ول - تۋرنيككە دۇرىس ءارى كوپ تارتىلۋ. قاتىسۋشىلار سالماعى مەن جاسىنا بايلانىستى توعىز ساناتتا باق سىنايدى. جارىس رەسمي تورەشىلەر القاسىنىڭ قاتىسۋىمەن وتەدى. ۇيىمداستىرۋشىلار مالىمەتىنشە، اقتاۋداعى فەستيۆال اياقتالعاننان كەيىن كەشتىڭ ارنايى قوناعى - بەلگىلى قازاقستاندىق ءانشى نۇرجان كەرمەنبايەۆ ونەر كورسەتەدى. «Tartyl Fest» قازاقستان رەسپۋبليكاسى پرەزيدەنتى جانىنداعى «دارا» تالانتتاردى قولداۋ قورىنىڭ قولداۋىمەن ءوتىپ جاتىر.
