ءسىبىر تاۋتەكەسىن اتقان براكونەرلەر ۇستالدى

تالدىقورعان. قازاقپارات - 2- تامىز كۇنى كەشكى ساعات 19:30 شاماسىندا جوڭعار- الاتاۋ پاركىنىڭ مەملەكەتتىك ينسپەكتورلارى كەزەكتى رەيد بارىسىندا توقتى مەملەكەتتىك تابيعي قاۋمالى اۋماعىنان Toyota Land Cruiser Prado ماركالى اۆتوكولىكتى توقتاتتى، دەپ حابارلايدى قازاقپارات.

ورمان شارۋاشىلىعى جانە جانۋارلار دۇنيەسى كوميتەتىنىڭ مالىمەتىنشە، كولىك ىشىندە بولعان قازاقستان ازاماتى مەن يسپان ۇلتىنىڭ ەكى وكىلى ۇستالدى.

«كولىكتى ءتىنتۋ بارىسىندا جۇك سالۋ بولىگىنەن 2 دانا ءسىبىر تاۋتەكەلەرىنىڭ باستارى تەرىسىمەن جانە ەكى قاپقا سالىنعان سالماعى 60-62 ك گ ەتتەرى، سونداي- اق شەت ەل ازاماتتارىنا تيەسىلى ەكى قارۋ - Mannlicher، بلەيزەر تاركىلەندى»، - دەپ جازدى ۆەدومستۆودان.

اتالعان فاكتى بويىنشا ءىس تەرگەپ- تەكسەرۋ امالدارىن جۇرگىزۋ ءۇشىن جەتىسۋ وبلىسى الاكول اۋداندىق پوليتسيا بولىمىنە جىبەرىلدى.