الماتىدا ەكى كولىك ۇرىسى ۇستالدى
قازىرگى ۋاقىتتا جەدەل ۋاكىلدەر تۇركىستان وبلىسىنىڭ 32 جاستاعى تۋماسى مەن ونىڭ سىبايلاسى 40 جاستاعى ازاماتتىڭ ەسەبىندە كولىك ۇرلاۋدىڭ ءتورت دەرەگى بارىن انىقتادى.
«كولىك ۇرلاعانداردى اشكەرەلەۋ جانە ۇستاۋ ءىس-شاراسىن ءبىزدىڭ بولىمشە قىزمەتكەرلەرى مەدەۋ اۋداندىق پوليتسيا باسقارماسىنا قاراستى پوليتسيا بولىمىندەگى ارىپتەستەرىمەن بىرلەسىپ جۇرگىزدى. قالانىڭ مەدەۋ اۋدانىندا كۇدىكتىلەر ءتورت كولىكتى ۇرلاپ كەتكەندىگى انىقتالدى. قازىر ءۇش كولىك تابىلىپ، زاتتاي ايعاق رەتىندە قىلمىستىق ءىس ماتەريالدارىنا تىركەلدى. ءتورتىنشى «Toyota Vista» كولىگى ىزدەستىرىلىپ جاتىر»، - دەيدى الماتى قالالىق پ د كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
قازىر پوليتسەيلەر ۇستالعانداردىڭ قالادا جاسالعان وسىعان ۇقساس قىلمىستارعا قاتىسى بار-جوعىن تەكسەرىپ جاتىر.
كۇدىكتىلەر قاماۋعا الىندى.
