22:43, 03 - تامىز 2022 | GMT +6
قىزىلوردالىق پوليتسەيلەر حالىقارالىق ىزدەۋدە جۇرگەن كۇدىكتىنى قولعا ءتۇسىردى
قىزىلوردا. قازاقپارات - قىزىلوردالىق پوليتسەيلەر حالىقارالىق ىزدەۋدە جۇرگەن كۇدىكتىنى قولعا ءتۇسىردى، دەپ حابارلايدى قازاقپارات ءتىلشىسى.
قىزىلوردا وبلىسى پوليتسيا دەپارتامەنتى كريمينالدىق پوليتسيا باسقارماسىنىڭ قىزمەتكەرلەرى وسى ماقساتتا جەدەل-ىزدەستىرۋ شارالارىن جۇرگىزدى.
«ءىس-شارا بارىسىندا تەرگەۋدەن بوي تاسالاپ، حالىقارالىق ىزدەۋدە جۇرگەن قىزىلوردالىق ازامات وبلىس ورتالىعىندا قولعا ءتۇستى. ول ق ر قىلمىستىق كودەكسىنىڭ 192-بابىنىڭ 2-بولىگىمەن (قاراقشىلىق) بويىنشا قىلمىس جاساعان دەپ ايىپتالۋدا. ۇستالعان ازاماتقا قاتىستى كۇزەتپەن ۇستاۋ تۇرىندەگى بۇلتارتپاۋ شاراسى تاڭدالدى. قازىرگى ۋاقىتتا ول ۋاقىتشا ۇستاۋ يزولياتورىنا قاماۋعا الىندى»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.
ەسكە سالساق، قىزىلوردادا موبيلدى بەكەتتەن وتپەك بولعان كولىكتەن اسا ءىرى كولەمدە ەسىرتكى تابىلدى.
