ەلوردادا كوكونىس باعاسىن تۇراقتاندىرۋ تەتىگى قايتا قارالدى
«باعانىڭ ايتارلىقتاي ءوسىمى قاڭتار-ناۋرىز ايلارىندا بايقالادى. مۇنداي جاعداي كوكونىستىڭ بارلىق تۇرلەرىنە قاتىستى بولىپ تۇر. وسى ورايدا ءار ءونىم بويىنشا ستراتەگيادا شارتتىڭ جەكەلەگەن ءتۇرى مەن ساتىپ الۋدىڭ ءادىسىن قاراستىردىق. ياعني باعانىڭ كۇرت وسەتىن كەزەڭىن ەسكەرە وتىرىپ، ءتيىستى مەرزىمدە ازىق-تۇلىكپەن قامتاماسىز ەتۋ ءۇشىن فورۆارد ارقىلى الدىن الا شارتتاردى بەكىتەمىز»، - دەدى ە. بالتايەۆ قالالىق ءماسليحاتتاعى تۇراقتى كوميسسيانىڭ وتىرىسىندا.
ونىڭ ايتۋىنشا، بۇل ماسەلە ماۋسىمارالىق كەزەڭگە قاتىستى بولىپ تۇر.
«قازىرگى كەزدە بەرىلگەن قارىز ەسەبىنەن وتكىزىلىپ جاتقان ازىق-تۇلىككە ەلوردانىڭ بارلىق تۇرعىنى قول جەتكىزىپ وتىر»، - دەدى باسقارما باسشىسى.
بۇدان بۇرىن حابارلانعانداي، سىرتقى فاكتورلاردىڭ ىقپالىن ازايتۋ ءۇشىن ەلوردادا ازىق-تۇلىك ونىمدەرى باعاسىن تۇراقتاندىرۋ تەتىگى جۇزەگە اسىرىلىپ جاتىر. بۇل تۇرعىدا كاسىپكەرلىك سۋبەكتىلەرىنە قارىز بەرۋ تەتىگى ەسكەرىلگەن.
وسى ۋاقىتقا دەيىن 13,1 ميلليارد تەڭگە ءبولىندى. سونىمەن قاتار، ەلوردادا حالىقتىڭ الەۋمەتتىك وسال توپتارىنا ازىق-تۇلىك ارنايى كارتا ارقىلى وتكىزىلەدى.
