20:29, 03 - تامىز 2022 | GMT +5
قازاقستان شەكاراسىن زاڭسىز كەسىپ وتپەك بولعان قىتاي ازاماتى قولعا ءتۇستى
نۇر-سۇلتان. قازاقپارات - قازاقستان شەكاراسىن زاڭسىز كەسىپ وتپەك بولعان رەسەيدىڭ ەكى، قىتايدىڭ ءبىر ازاماتى قولعا ءتۇستى، دەپ حابارلايدى ق ر ۇ ق ك باسپا ءسوز قىزمەتى.
«2022-جىلعى 31- شىلدەدە جەتىسۋ وبلىسى پانفيلوۆ اۋدانىندا شەكاراشىلار مەملەكەتتىك شەكارانى بۇزۋشىلاردىڭ جولىن كەستى. قىتاي حالىق رەسپۋبليكاسىنىڭ ازاماتى ۇستالدى، ول قازاقستان رەسپۋبليكاسىنا وتكىزۋ پۋنكتىنەن تىس جەردەن كىرۋگە جانە كەيىننەن ەۋروپا ەلدەرىنە بەت الۋعا تالپىنعان. 2022-جىلعى 2- تامىزدا قازاقستان رەسپۋبليكاسى ۇ ق ك شەكارا قىزمەتىنىڭ قوستاناي وبلىسى قارابالىق اۋدانىنداعى بولىمشەسى مەملەكەتتىك شەكارانى بۇزعانى ءۇشىن قازاقستاننىڭ اۋماعىندا قىلمىستىق قۋدالاۋدان جاسىرىنۋعا ارەكەت جاساعان رەسەي فەدەراتسياسىنىڭ ەكى ازاماتىن ۇستادى» دەلىنگەن حابارلامادا.
قازىرگى ۋاقىتتا ۇستالعان قۇقىق بۇزۋشىلارعا قاتىستى ۋاكىلەتتى ورگاندار سوتقا دەيىنگى تەرگەۋ جۇرگىزۋدە.
