ەكى جاسار ءبۇلدىرشىن كوپقاباتتى ءۇيدىڭ تەرەزەسىنەن قۇلاپ كەتتى
دارىگەرلەر قالالىق بالالار اۋرۋحاناسىنا جەتكىزىلگەن ءسابيدىڭ جاعدايى اۋىر ەكەنىن ايتادى، دەپ حابارلايدى قازاقپارات ءتىلشىسى.
قالالىق ت ج د باسپا ءسوز قىزمەتىنىڭ مالىمەتىنشە، وقىس وقيعا بۇگىن تۇسكى ەكىلەر شاماسىندا «تۇران» شاعىن اۋدانىندا بولعان.
بەس قاباتتى تۇرعىن ءۇيدىڭ ەكىنشى قاباتىنان قۇلاعان ءبۇلدىرشىن ۇلكەندەردىڭ قاراۋىنسىز قالعان. قازىر ول اۋرۋحانادا جاتىر.
«وقيعانىڭ ءمان-جايىن پوليتسيا قىزمەتكەرلەرى انىقتايدى. جىل باسىنان بەرى شىمكەنت قالاسىندا بالالاردىڭ تەرەزەدەن قۇلاۋ جاعدايى 4 رەت تىركەلىپ وتىر. بارلىق جاعدايدا بالالار اتا-انالارىنىڭ قاراۋىنسىز قالعان. وتكەن جىلى وسىنداي ەسەپتى مەرزىم ىشىندە 7 وقيعا بولعان ەدى»، - دەلىنگەن حابارلامادا.
ەسكە سالساق، ەلوردادا 3 جاسار ءسابي كوپپاتەرلى ءۇيدىڭ 5-قاباتىنان كىرە بەرىستەگى شاتىرعا قۇلاپ كەتتى.
نۇر-سۇلتان قالالىق قوعامدىق دەنساۋلىق ساقتاۋ باسقارماسى اگەنتتىك تىلشىسىنە ءسابيدىڭ جاعدايى ءبىرقالىپتى ەكەندىگىن ايتتى.
