18:40, 03 - تامىز 2022 | GMT +5
ۇلتتىق اكادەميالىق كىتاپحاناعا جاڭا باسشى كەلدى
نۇر-سۇلتان. قازاقپارات - ەلورداداعى ۇلتتىق اكادەميالىق كىتاپحاناعا جاڭا باسشى تاعايىندالدى، دەپ حابارلايدى قازاقپارات ءتىلشىسى.
بۇل تۋرالى ق ر مادەنيەت جانە سپورت ءمينيسترى داۋرەن ابايەۆ Facebook-تەگى پاراقشاسىندا جازدى.
«ەلوردامىزداعى ۇلتتىق اكادەميالىق كىتاپحانا باسشىسى بولىپ عازيزا قۇدايبەرگەن قىزى نۇرعاليەۆا تاعايىندالدى. جاڭا ديرەكتوردى ارنايى قۇتتىقتاپ، جۇمىسىنا ساتتىلىك تىلەدىك. كىتاپحانالاردى زامان تالابىنا ساي جەتىلدىرىپ، وقۋعا قۇشتار قوعام قالىپتاستىرۋ - الدىمىزدا تۇرعان اسا ماڭىزدى مىندەتتەردىڭ ءبىرى. وسى رەتتە، عازيزا قۇدايبەرگەن قىزى بىلىكتى مامان رەتىندە تىڭ باستامالارىمەن، جاڭاشىل يدەيالارىمەن ۇلتتىق اكادەميالىق كىتاپحانا جۇمىسىن ودان ءارى نىعايتا تۇسەدى دەپ سەنەمىن»، - دەپ جازدى مينيستر.
ايتا كەتەيىك، قالا اكىمى التاي كولگىنوۆ استانادا كىتاپحاناشىلاردىڭ ايلىعى وسكەنىن ءمالىم ەتكەن ەدى.
