ەلوردادا حالىقتىڭ الەۋمەتتىك وسال توپتارى ازىق- تۇلىكتى ارنايى كارتا ارقىلى ساتىپ الادى

نۇر-سۇلتان. قازاقپارات - ەلوردادا حالىقتىڭ الەۋمەتتىك وسال توپتارىنا ازىق- تۇلىك ارنايى كارتا ارقىلى وتكىزىلەدى.

بۇل تۋرالى نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرجان بالتايەۆ ايتتى، دەپ حابارلايدى قازاقپارات ءتىلشىسى.

«قازىرگى كەزدە «ماگنۋم» ج ش س- مەن بىرلەسە «سۋسىن» كارتاسى بويىنشا ارزانداتىلعان تاۋاردى وتكىزۋدىڭ قاناتقاقتى جوباسىن پىسىقتاپ جاتىرمىز. ياعني ولاردا وزدەرىنىڭ كارتالارى بار. وسى ورايدا حالىقتىڭ الەۋمەتتىك وسال توپتارىنىڭ ءتىزىمىن ەنگىزبەكپىز. بۇل تۇرعىدا 160 مىڭعا تارتا ادام بار»، - دەدى ە. بالتايەۆ قالالىق ءماسليحاتتاعى تۇراقتى كوميسسيانىڭ وتىرىسىندا.

ونىڭ ايتۋىنشا، اتالعان كارتا ارقىلى ازىق- تۇلىك ونىمدەرىن وسى ساناتتاعى ادامدار عانا الادى.

«ال تابىسى جەتكىلىكتى دەڭگەيدەگى ادامدار ءونىمدى نارىق باعاسىمەن ساتىپ الادى. اتاپ ايتقاندا، قارالىپ وتىرعان بۇل قادامدار ارزانداتىلعان تاۋاردى حالىقتىڭ الەۋمەتتىك وسال توپتارىنا وتكىزۋگە مۇمكىندىك بەرەدى»، - دەدى باسقارما باسشىسى.

بۇدان بۇرىن حابارلانعانداي، بيىل شىلدە ايىندا پرەمەر- ءمينيستردىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانوۆ جىل باسىنان بەرى الەۋمەتتىك ماڭىزى بار ازىق- تۇلىك تاۋارىنىڭ باعاسى %17,4 عا كوتەرىلگەنىن حابارلادى. پياز، قانت، ءسابىز، كارتوپ، قاراقۇمىق، ماكارون، ۇن جانە قىرىققابات باعالارى ەڭ كوپ وسكەن.