الماتىدا قوعامدىق كولىكتى قۇجاتى جوق شەتەل ازاماتى ايداعان

الماتى. قازاقپارات - الماتىدا قوعامدىق كولىكتى جۇرگىزىپ جۇرگەن قۇجاتسىز شەتەلدىك ازامات انىقتالدى، دەپ حابارلايدى قازاقپارات ءتىلشىسى.

بەلگىلى بولعانداي، وزبەكستان ازاماتى №126-شى باعىت بويىنشا جولاۋشىلاردى تاسىمالداعان. اتالعان دەرەكتى اۋەزوۆ اۋدانىنىڭ پوليتسەيلەرى «قاۋىپسىز جول» ايلىعى بارىسىندا انىقتادى. «تەكسەرۋ كەزىندە جۇرگىزۋشىدە وزىمەن بىرگە جەكە باسىن راستايتىن قۇجاتتارى دا، جۇرگىزۋشى كۋالىگى دە بولمادى. ەر ادام ولاردى جۇمىس ورنىندا ۇمىتىپ كەتكەنىن ايتتى. بۇل - زاڭ تالاپتارىن انىق ەسكەرمەۋ جانە سونىڭ سالدارىنان جولاۋشىلاردىڭ قاۋىپسىزدىگىنە قاتەر ءتوندىرۋ. جۇرگىزۋشى مەن اۆتوپارك باسشىلىعىنا قاتىستى اكىمشىلىك شارا قولدانىلدى»، - دەدى الماتى قالالىق پ د اكىمشىلىك پوليتسيا باسقارماسى باستىعىنىڭ ورىنباسارى داۋلەت سەيىتقۇلوۆ.

سونىمەن قاتار، پوليتسيا وكىلى الماتىدا 19-شىلدە مەن 18-تامىز ارالىعىندا «قاۋىپسىز جول» رەسپۋبليكالىق ايلىعى ءوتىپ جاتقانىن ەسكە سالدى.