الماتى وبلىسىندا پويىز بەن جەڭىل كولىك سوقتىعىسىپ، ەكى ادام مەرت بولدى
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جول اپاتى 2-تامىز كۇنى بولعان.
«سوقتىعىس سالدارىنان كولىك ورتەنىپ، ونىڭ 40 جاستاعى جۇرگىزۋشىسى وقيعا ورنىندا قازا تاپتى. كولىكتە بولعان تاعى ءۇش ەر ادام ءتۇرلى دەنە جاراقاتتارىمەن ورتالىق اۋداندىق اۋرۋحاناعا جەتكىزىلدى»، - دەپ حابارلادى پوليتسيادان.
جول-كولىك وقيعاسى ق ر قىلمىستىق كودەكسىنىڭ 345-بابى 3-بولىگى «ابايسىزدا ادام ولىمىنە اكەپ سوققان كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋ» بويىنشا تەرگەلىپ جاتىر.
ايتا كەتەيىك، پويىز بەن جەڭىل كولىك سوقتىعىسۋى سالدارىنان زارداپ شەككەندەردىڭ تاعى ءبىرى اۋرۋحانادا كوز جۇمدى.
«جەڭىل كولىك پەن پويىز سوقتىعىسىنان زارداپ شەككەن ءۇش ادام اۋرۋحاناعا جەتكىزىلدى. ولاردىڭ ىشىندە 1985 -جىلى تۋعان ناۋقاستىڭ جاعدايى وتە اۋىر بولعاندىقتان، دەرەۋ جانساقتاۋ بولىمىنە جاتقىزىلىپ، جاساندى تىنىس الۋ اپپاراتىنا قوسىلدى. وكىنىشكە قاراي، ناۋقاس 3-تامىز كۇنى تاڭعى ساعات 08:40-قايتىس بولدى. 1990 -جىلى تۋعان ەكىنشى ناۋقاسقا جابىق باس سۇيەك-مي جاراقاتى، باس ميىنىڭ شايقالۋى، كەۋدە قۋىسىنىڭ زاقىمدانۋى دەگەن دياگنوز قويىلدى. جاعدايى ورتاشا اۋىرلىقتا، ديناميكاسى تۇراقتى. ءۇشىنشى ناۋقاس جانساقتاۋ بولىمىندە جاتىر، ونىڭ جاعدايى وتە اۋىر»، - دەپ حابارلادى وبلىستىق دەنساۋلىق ساقتاۋ باسقارماسىنان.
اۆتور الما مۇقانوۆا
