يندونەزيادا ديماش قۇدايبەرگەن مەن قازاقستان مادەنيەتىنە ارنالعان كورمە ءوتتى
كورمە يندونەزيا رەسپۋبليكاسىنىڭ ۇلتتىق كىتاپحاناسىندا ۇيىمداستىرىلدى. كورمەدە ءانشىنىڭ كونسەرتتەرىنىڭ ءبىرى كورسەتىلدى، سونداي-اق قازاقستاننان سۋرەتتەر مەن كادەسىيلار ۇسىنىلدى. ءىس-شارا تەگىن ءوتتى.
كورمەنى قازاقستان رەسپۋبليكاسىنىڭ يندونەزياداعى ەلشىلىگى مەن يندونەزيا رەسپۋبليكاسىنىڭ نۇر-سۇلتانداعى ەلشىلىگىنىڭ قولداۋىمەن ديماش قۇدايبەرگەن DIDFC يندونەزيالىق فان-كلۋبى ۇيىمداستىردى. اشىلۋ راسىمىندە ديماشتىڭ جانكۇيەرلەرى «دايديداۋ» جانە «ليۋبوۆ ۋستاۆشيح لەبەدەي» اندەرىمەن تاڭعاجايىپ قويىلىمدار قويدى.
اتالعان اندەر ءتۇپنۇسقادا جانە يندونەزيالىق نۇسقادا شىرقالدى. ديماشتىڭ شىعارماشىلىعىمەن تانىسقاننان كەيىن قازاق ءتىلىن بەلسەندى مەڭگەرە باستاعان جانكۇيەرى تيتا دجادجوسمان مۇحتار اۋەزوۆتىڭ «ەڭلىك-كەبەك» پوەماسىن وقىپ، قوناقتاردى تاڭ قالدىردى.
فوتو: dimashnews.com
