گولوۆكين مەن كانەلو جەكپە-جەگىنىڭ ترانسلياتسياسىن قايدان كورۋگە بولادى

نۇر-سۇلتان. قازاقپارات - DAZN ستريمينگتىك پلاتفورماسى 17-قىركۇيەكتە وتەتىن گەنناديي گولوۆكين مەن ساۋل «كانەلو» الۆارەستىڭ ءۇشىنشى جەكپە-جەگى وتەتىن بوكس كەشىنىڭ اقىلى ترانسلياتسياسىنىڭ قۇنى تۋرالى اقپاراتتى جاريالادى.

بۇل تۋرالى قازاقپارات Sports.kz سايتىنا سىلتەمە جاساپ حابارلايدى. شوۋدىڭ نەگىزگى وقيعاسى DAZN تۇراقتى جۇيەسىندە ەمەس، PPV جۇيەسىندە كورسەتىلەدى.

وسىلايشا، ا ق ش-تا حابار تاراتۋ قۇنى جاڭا پايدالانۋشىلار ءۇشىن $84,99 جانە بەلسەندى جازىلۋشىلار ءۇشىن $64,99 بولادى. بريتاندىق كورەرمەندەر تريلوگيانىڭ فينالىن كورۋ ءۇشىن £17,98 تولەۋى ءتيىس. بۇل رەتتە اندەركارتتى قازاقستان، مەكسيكا جانە لاتىن امەريكاسىنان باسقا باسقا اۋماقتارداعى تۇراقتى ابونەنتتەر دە پايدالانا الادى.