شىمكەنتتە ح ق و الدىنداعى ۇزىن كەزەك تۋرالى ۆيدەوعا تۇسىنىك بەرىلدى

شىمكەنت. قازاقپارات - الەۋمەتتىك جەلىدە شىمكەنت قالالىق مامانداندىرىلعان حالىققا قىزمەت كورسەتۋ ورتالىعى الدىنداعى ۇزىن-سونار كەزەك كورسەتىلگەن ۆيدەو تاراپ جاتىر، دەپ حابارلايدى قازاقپارات ءتىلشىسى.

كادردان تاڭەرتەڭمەن كەزەككە كەلگەن تۇرعىنداردىڭ كوپتىگىن كورۋگە بولادى. ۆيدەو اۆتورى - كولىك يەسى دە تۇنگى ساعات 1-دە 46-بولىپ كەزەك العانىن ايتقان. بۇل جاعدايعا بايلانىستى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ شىمكەنت قالاسى بويىنشا فيليالى رەسمي تۇردە جاۋاپ بەردى.

«الەۋمەتتىك جەلىلەردە تاراتىلعان ۆيدەو 2021 -جىلى تۇسىرىلگەن. قازىرگى كەزدە دوستىق ىقشاماۋدانىنداعى مامانداندىرىلعان ح ق ك و-دا قىزمەتتەر تولىق كولەمدە كورسەتىلىپ جاتقان جوق. سەبەبى عيماراتتا ءىشىنارا جوندەۋ جۇرگىزىلىپ جاتىر. قازىرگى تاڭدا مامانداندىرىلعان ح ق ك و- دا پراكتيكالىق ەمتيحان تاپسىرۋ جانە دايىن قۇجاتتاردى الۋ سياقتى قىزمەتتەر قولجەتىمدى. كليەنتتەر كوپ جينالىپ جاتقان جوق»، - دەلىنگەن رەسمي حابارلامادا.

وسىنىڭ الدىندا «شىمكەنتتە بازارلار جابىلادى» دەگەن فەيك-اقپارات تارادى. بۇل سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ا. احمەتوۆتىڭ 2021 -جىلى بەرگەن سۇحباتى ەكەندىگى، ۆيدەو شىندىققا جاناسپايتى ايتىلدى.

ايتا كەتەيىك، بۇگىن تاڭەرتەڭ eGov.kz Telegram-كانالىندا جۇيەدە تەحنيكالىق اقاۋ شىعىپ، قازىر مەملەكەتتىك قىزمەتتەردى الۋ مۇمكىندىگى جوقتىعى حابارلاندى.