10:22, 03 - تامىز 2022 | GMT +5
تۇركيادا مايمىل شەشەگىن جۇقتىرعاندار سانى ارتتى
انكارا. قازاقپارات - تۇرىك دارىگەرلەرى ەلدە مايمىل شەشەگىن جۇقتىرۋدىڭ 5 جاعدايىن انىقتادى.
ناۋقاستاردىڭ تورتەۋى ساۋىعىپ، ءبىر ناۋقاس وقشاۋلاندىرىلدى، دەپ حابارلايدى قازاقپارات مەنشىكتى ءتىلشىسى.
تۇركيانىڭ دەنساۋلىق ساقتاۋ مينيسترلىگىنىڭ مالىمەتىنشە، بۇگىندە ەلدە بۇل ۆيرۋستى جۇقتىرۋدىڭ 5 جاعدايى تىركەلگەن. ناۋقاستاردىڭ ءبىرى وقشاۋلاندىرىلىپ، قاجەتتى مەديتسينالىق كومەك الىپ جاتىر. ءتورت ادام تولىق ساۋىعىپ، اۋرۋحانالاردان شىعارىلدى. ناۋقاستارمەن بايلانىستا بولعان ادامداردا سىرقاتتانۋ بەلگىلەرى بايقالماعان. ماماندار قارقىندى باقىلاۋ جۇرگىزىپ، وسى كەزەڭدە ۆيرۋستىڭ باسقا جاعدايلارىن انىقتاعان جوق.
بۇل رەتتە تۇرىك ماماندارى مايمىل شەشەگىنە قارسى بۇرىن جاسالعان ۆاكسينالار ۆيرۋستان %85 قورعايتىنىنا جانە ۆاكسيناتسيا كەز كەلگەن ىندەتتىڭ الدىن الۋداعى ماڭىزدى قادام ەكەنىنە سەنىمدى.
