10:02, 03 - تامىز 2022 | GMT +5
ا ق ش قىتايمەن ەگەستى قالامايدى
نۇر-سۇلتان. قازاقپارات - نەنسي پەلوسيدىڭ تايۆانعا ساپارىنا بولا، ۆاشينگتون بەيجىڭمەن تەكەتىرەسكە بارعىسى كەلمەيدى. ا ق ش- تىڭ ۇلتتىق قاۋىپسىزدىك كەڭەسىنىڭ وكىلى وسىلاي مالىمدەدى.
دجون كيربي وكىلدەر پالاتاسى سپيكەرىنىڭ ارالعا بارۋىنا تولىق قۇقى بار، بۇل قىتايدىڭ ەگەمەندىگىنە نۇقسان كەلتىرمەيدى دەدى. ءبىرقاتار اقپارات قۇرالدارى قىتاي تايۆاننان جەمىس- جيدەك پەن بالىقتىڭ بىرنەشە ءتۇرىن يمپورتتاۋدى توقتاتتى دەپ حابارلادى. بۇعان وسى ىسپەن اينالىساتىن كاسىپورىنداردىڭ تىركەۋ مالىمەتىنەن شىققان شيكىلىكتەر سەبەپ بولعان.
دجون كيربي، ا ق ش ۇلتتىق قاۋىپسىزدىك كەڭەسىنىڭ وكىلى:
- ءبىز سەس كورسەتۋدەن اۋلاقپىز. تىنىق مۇحيتىنىڭ باتىس بولىگىندە سۋ مەن اسپانداعى ءىس- ارەكەتىمىزدى جالعاستىرا بەرمەكپىز. تايۆاندى قولداۋ، ءۇندى- تىنىق مۇحيتىنىڭ ايماعىن قورعاۋ جانە بەيجىڭمەن جاقسى قارىم- قاتىناستا بولۋ - ءبىزدىڭ باستى باعىتىمىز. بەيبىتشىلىك پەن تۇراقتىلىقتى ساقتاۋ - تۇراقتى ۇرانىمىز.
24.kz
