09:06, 03 - تامىز 2022 | GMT +5
قىتاي ارال ماڭىندا اسكەري وقۋ- جاتتىعۋ باستادى
نۇر-سۇلتان.قازاقپارات - قىتاي اسكەرى تايۆان ماڭىندا اسكەري- وقۋ جاتتىعۋىن باستادى. ول ارالدىڭ سولتۇستىك، وڭتۇستىك- باتىس جانە وڭتۇستىك- شىعىس بولىگىنە جاقىن تەڭىزدە جانە اۋەدە وتكىزىلىپ جاتىر.
بەيجىڭنىڭ مالىمدەۋىنشە، جاتتىعۋلار ا ق ش- تىڭ تايۆان ماسەلەسىن ۋشىقتىرۋىنا باعىتتالعان ارەكەتى مەن ارالدىڭ بۇلىكشىلىك پيعىلىنا جول بەرمەۋ ءۇشىن قولعا الىنعان. كەشە ا ق ش وكىلدەر پالاتاسىنىڭ سپيكەرى نەنسي پەلوسي تايۆانعا بارعان ەدى. قىتاي سىرتقى ىستەر مينيسترلىگى ا ق ش- تىڭ وسى ەلدەگى ەلشىسىن شاقىرىپ الىپ نارازىلىعىن ءبىلدىردى. ا ق ش ساياساتكەرىنىڭ ارەكەتى ءوڭىردىڭ تۇراقتىلىعىنا قاۋىپ توندىرەتىنىن جەتكىزدى. ال اق ءۇي وكىلدەر پالاتاسىنىڭ سپيكەرى تايۆانعا ساپار شەگۋگە قۇقىسى بارىن ايتتى. ءبىراق ب ۇ ۇ تايۆانعا قاتىستى «ءبىر قىتاي» ساياساتىن ۇستاناتىنىن اتاپ ءوتتى.
24.kz
