قازاقستان سپورتشىسى جەڭىل اتلەتيكادان الەم چەمپيوناتىنىڭ فينالىنا شىقتى

نۇر- سۇلتان. قازاقپارات - 19 جاستاعى قازاقستاندىق يگور كوسولاپوۆ كولۋمبيانىڭ كالە قالاسىندا ءوتىپ جاتقان 20 جاسقا دەيىنگىلەر اراسىنداعى جەڭىل اتلەتيكادان الەم چەمپيوناتىندا فينالعا شىقتى، دەپ حابارلايدى قازاقپارات.

«قازاقستاندىق بيىكتىككە سەكىرۋدە 2,08 مەتردى باعىندىردى. فينال 5-تامىز كۇنى تاڭەرتەڭگە ساعات 4:10 دا باستالادى. مەدالدار ءۇشىن 12 اتلەت تالاساتىن بولادى: ولاردىڭ توعىزى 2,08 مەتردى ەڭسەردى، قالعان ۇشەۋىنىڭ ناتيجەسى - 2,04 مەتر. سونداي- اق 3-تامىز ساعات 20:45 تە كۆاليفيكاتسيادا اناستاسيا رىپاكوۆا (ۇزىندىققا سەكىرۋ)، 4-تامىزدا ساعات 22:05 تە اقبايان نۇرمامەت (1,5 مەترگە جۇگىرۋ) ونەر كورسەتەدى. ال ياسمينا توقسانبايەۆا (10 مىڭ مەترگە سپورتتىق ءجۇرىس) 5-تامىز كۇنى ساعات 21:30 دا بىردەن مەدالعا تالاسادى»، - دەلىنگەن «سپورت شرەدينگەرا» Telegram-كانالىندا.

ال قازاقستان جەڭىل اتلەتيكا فەدەراتسياسى Instagram-دا: «يگور كوسولاپوۆ بيىكتىككە سەكىرۋدە 2.08 ناتيجەسىمەن فينالعا ءوتتى. جارايسىڭ!»، - دەپ جازدى.