اقتاۋدا اۋە شەرۋى وتەدى

اقتاۋ. قازاقپارات - اقتاۋ قالاسىندا 5 -تامىز كۇنى اتى اڭىزعا اينالعان ۇشقىش، ەكى مارتە كەڭەس وداعىنىڭ باتىرى تالعات

بيگەلدينوۆتىڭ تۋعانىنا 100 -جىل تولۋىنا وراي اۋە شەرۋى وتەدى. بۇل تۋرالى وڭىرلىك قوعامدىق كوممۋنيكاتسيا ورتالىعى ءمالىم ەتتى، دەپ حابارلايدى قازاقپارات ءتىلشىسى.

«شاراعا قازاقستان رەسپۋبليكاسى اۋە قورعانىسى كۇشتەرى ارميا اۆياتسياسىنىڭ تىك ۇشاقتارى مەن جويعىش ۇشاقتارى قاتىسادى. اسكەري ۇشقىشتار جوعارعى پيلوتاج ادىستەرىن ورىنداپ، ءوز شەبەرلىكتەرىن كورسەتەدى»،-دەلىنگەن اقپاراتتا. شەرۋ اقتاۋ قالاسىنداعى امفيتەاتردا ساعات 20:00 دە باستالادى. اسكەري شارانى قالا تۇرعىندارى مەن قوناقتارى تەڭىز جاعالاۋىنان تاماشالاي الادى.

ال، 3 -تامىز كۇنى اۋە شەرۋىنە دايىندىق بولادى. ۇيىمداستىرۋشىلار قالا تۇرعىندارىن اۆياتسيانىڭ وقۋ- جاتتىعۋى كەزىندە سابىر ساقتاۋعا شاقىرادى.

فوتو: www.lada.kz