ش ق و- داعى كاتونقاراعاي اۋدانىندا اۋەجاي سالىنباق
ەل اۋزىندا «ەكىنشى شۆەيتساريا» اتانىپ كەتكەن كاتونقاراعاي اۋدانىنا كەلەتىن تۋريستەر سانى جىلدان جىلعا ارتىپ كەلەدى. سوعان وراي مۇندا اۋەجاي سالۋ كوزدەلۋدە. بۇل جايلى وبلىستاعى اۋەجايلاردىڭ ينفراقۇرىلىمىن جاڭعىرتۋ جۇمىستارى قالاي جۇرگىزىلىپ جاتقانىن بايان ەتكەن شقو جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى ايجان راحىمبايەۆا ءمالىم ەتتى.
«2018 -جىلى وڭىردە اۋەجايلاردىڭ ينفراقۇرىلىمىن جاڭعىرتۋ جۇمىستارى باستالعان. بۇگىندە وسكەمەن مەن سەمەيدەگى اۋەجايدى قايتا جاڭعىرتۋ جۇمىستارى مارەسىنە جەتتى. جاقىندا ءۇرجار اۋدانىنداعى اۋەجايدىڭ ۇشۋ- قونۋ جولاعىن رەكونسترۋكتسيالاۋ جۇمىستارى اياقتالدى»، - دەدى ول.
ايجان راحىمبايەۆانىڭ ايتۋىنشا، قازىر اۋە ايلاعىنىڭ ۇشۋعا جارامدىلىق سەرتيفيكاتىن الۋ ءۇشىن ءتيىستى شارالار اتقارىلىپ جاتىر. الىنعان سوڭ اۋە رەيستەرى بىردەن قايتا جاندانباق. دەمەك، تۇرعىندار الاكولگە ۇشاقپەن قاتىناي الاتىن بولادى.
«كاتونقاراعاي اۋدانىندا اۋەجاي قۇرىلىسىن جۇرگىزۋ جوسپارلانىپ وتىر. ءبىراق ونىڭ ناقتى ۋاقىتى ازىرگە بەلگىسىز. سونداي- اق 2024 -جىلعا قاراي زايسان اۋەجايىن رەكونسترۋكتسيالاۋ جۇمىستارى باستالادى»، - دەدى باسقارما باسشىسىنىڭ ورىنباسارى.
