قازاقستاننان التىن پلاستينالار الىپ شىقپاق بولعان امەريكالىق ۇستالدى
«23-شىلدەدە الماتى قالاسىنداعى حالىقارالىق اۋەجايدىڭ ۇشۋ زالىندا «جەتىسۋ» كەدەن بەكەتىنىڭ قىزمەتكەرلەرى شەكارا قىزمەتىمەن بىرلەسىپ، «الماتى- ىستانبۇل» اۋە رەيسىمەن جالپى سالماعى 319 گرامم بولاتىن 10 دانا سارى مەتالدان جاسالعان پلاستينالاردى الىپ بارا جاتقان ا ق ش ازاماتىن ۇستادى. قارجى مينيسترلىگىنىڭ مەملەكەتتىك كىرىستەر كوميتەتى ورتالىق كەدەن زەرتحاناسى جاساعان ساراپتاما ناتيجەسىنە سايكەس، تابىلعان تاۋار «اففينيرلەنگەن التىن» رەتىندە ايقىندالدى. شەتەلدىك تۇلعاعا قاتىستى ەۋرازيالىق ەكونوميكالىق وداقتىڭ كەدەندىك شەكاراسى ارقىلى تىيىم سالۋلار مەن شەكتەۋلەردى ساقتاماي، تاۋارلاردى وتكىزگەنى ءۇشىن ق ر ا ق ب ت ك- ءنىڭ 545-بابى بويىنشا اكىمشىلىك جاۋاپكەرشىلىك كوزدەلگەن. بۇل ءۇشىن جەكە تۇلعالارعا تاۋارلار تاركىلەنىپ نەمەسە تاركىلەنبەي، ون بەس ايلىق ەسەپتىك كورسەتكىش مولشەرىندە ايىپپۇل سالىنادى»، - دەلىنگەن رەسمي حابارلامادا.
