18:05, 02 - تامىز 2022 | GMT +5
ەلوردادا كوپقاباتتى تۇرعىن ۇيدە ليفت قۇلادى
نۇر-سۇلتان. قازاقپارات - ەلوردادا كوپقاباتتى تۇرعىن ۇيدە ليفت قۇلادى، دەپ حابارلايدى قازاقپارات ءتىلشىسى.
نۇر-سۇلتان قالالىق توتەنشە جاعدايلار دەپارتامەنتىنىڭ مالىمەتىنشە، كەشە ساعات 10:45-تە ەلوردالىق قۇتقارۋشىلار كۇيشى دينا كوشەسى بويىنداعى 31 مەكەنجايىندا ورنالاسقان تۇرعىن ۇيدە ءليفتىنىڭ قۇلاعانى تۋرالى حابارلاما بويىنشا وقيعا ورنىنا شىققان.
«قۇتقارۋشىلار كەلىپ جەتكەن كەزدە ءليفتىنىڭ ءۇشىنشى قاباتتان ءبىرىنشى قاباتقا قۇلاعانى انىقتالدى. قۇتقارۋشىلار كەلگەنگە دەيىن زارداپ شەككەن ەكى ادام ءوز بەتىنشە ليفتىدەن شىققان. زارداپ شەگۋشىلەردى مەديتسينالىق قىزمەت ماماندارى تەكسەردى، جاعدايلارى قاناعاتتانارلىق»، - دەپ اتاپ وتەدى دەپارتامەنتتەن.
