ب ۇ ۇ باس حاتشىسى يادرولىق قارۋ قولدانۋ قاۋپىنە الاڭداۋشىلىق ءبىلدىردى
بۇل تۋرالى ب ۇ ۇ باسشىسى انتونيۋ گۋتەرريش يادرولىق قارۋدى تاراتپاۋ تۋرالى شارت قاتىسۋشىلارىنىڭ كونفەرەنتسياسىندا ءمالىم ەتتى. ول ادامزات ءوزىن ءوزى جويۋدان ساقتانۋى كەرەك دەپ ەسكەرتتى، دەپ حابارلايدى قازاقپارات ب ۇ ۇ جاڭالىقتار ورتالىعىنا سىلتەمە جاساپ.
انتونيۋ گۋتەرريشتىڭ ايتۋىنشا، بۇل فورۋم وتە ماڭىزدى كەزەڭدە ءوتىپ جاتىر، ادامزات قازىر جولايرىقتا تۇر، ال جاھاندىق قاۋىپسىزدىككە قاۋىپ ءتوندى.
«الەم كليماتتىڭ وزگەرۋى، تەڭسىزدىك سەكىلدى قۇبىلىستارعا تاپ بولدى، شيەلەنىستەر مەن ادام قۇقىعىنىڭ بۇزىلۋى جيىلەپ كەتتى. ەكونوميكالىق باقۋاتتىلىقتىڭ ىرگەسىن COVID-19 پاندەمياسى شايقالتتى.
«بۇل ءبىزدىڭ ۇرپاقتىڭ ماڭدايىنا جازىلعان ەڭ ۇلكەن سىن-قاتەر. سونىمەن قاتار وسىنىڭ ءبارى قىرعي-قاباق سوعىسى كەزەڭىنەن بەرى يادرولىق قاۋىپ ەڭ جوعارى دەڭگەيگە جەتكەن ساتتە بولىپ وتىر»، - دەيدى ب ۇ ۇ باسشىسى.
