ۆيتسە-مينيستر: اسكەردەگى سۋيتسيدتىڭ ءبىر سەبەبى - نەسيە

نۇر-سۇلتان. قازاقپارات – ق ر قورعانىس ءمينيسترىنىڭ ورىنباسارى دارحان احمەديەۆ اسكەريلەر اراسىنداعى سۋيتسيدكە تولەنبەگەن نەسيەلەر دە سەبەپكەر بولىپ جاتقانىن ايتتى، دەپ حابارلايدى قازاقپارات ءتىلشىسى.

«بىزگە 18 جاستاعى جىگىتتەر بورىشىن وتەۋگە كەلەدى. سولاردىڭ ىشىندە، وكىنىشكە قاراي، موينىندا 9 ميلليون تەڭگە تۇرمىستىق جانە باسقا دا نەسيەسى بار ساربازدار بولدى. بۇل - ءبىر سەبەبى. ياعني، بۇدان دا بولەك الەۋمەتتىك پروبلەمالار بار. سونىڭ ءبارى سۋيتسيدتىڭ تريگگەرى بولىپ جاتىر. جالپىلاما ايتۋ قيىن. ءار جاعدايدى جەكە الىپ قاراۋ كەرەك. ءار جاعدايدا ءبىر ءومىر قيىلىپ جاتىر. سوندىقتان سەبەبىن جالپىلاما سيپاتتاپ ايتۋعا بولمايدى»، - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.

ۆيتسە- مينيستر بيىل تىركەلگەن قايعىلى وقيعالاردىڭ سەبەبىنە دە توقتالدى.

«بىزدە بولعان 4 قايعىلى جاعداي تۋرالى ايتساق، ەكەۋى وتباسىنداعى تۇرمىستىق داۋدان بولعان. قالعان ەكەۋى بويىنشا تەرگەۋ شارالارى ءجۇرىپ جاتىر. سوندىقتان ناقتى مالىمەت ايتا المايمىن»، - دەدى دارحان احمەديەۆ. مينيستر ورىنباسارىنىڭ دەرەگى بويىنشا، بيىل قارۋلى كۇشتەردە 7 سۋيتسيد ارەكەتى تىركەلىپ، تورتەۋى قايعىلى اياقتالعان.

فوتو: مينيستەرستۆو وبورونى رك