كوروناۆيرۋس ىندەتى جەڭىل تۇردە ءوتىپ جاتىر - دەنساۋلىق ءمينيسترى

نۇر-سۇلتان. قازاقپارات - بۇگىن ۇكىمەت وتىرىسىندا دەنساۋلىق ساقتاۋ ءمينيسترى اجار عينيات كوروناۆيرۋس ىندەتى جەڭىل تۇردە ءوتىپ جاتقانىن ايتتى، دەپ حابارلايدى قازاقپارات ءتىلشىسى.

«بۇكىل الەمدەگى سياقتى، وميكرون ۆا.5 شتامىنان بولعان COVID-19-دىڭ كەزەكتى تولقىنى بيىلعى شىلدەدە ەلىمىزدە جۇرگىزىلگەن گەنەتيكالىق زەرتتەۋ ناتيجەلەرى بويىنشا زەرتتەلگەن ۇلگىلەردىڭ 70 پايىزىندا انىقتالدى»، - دەدى اجار عينيات.

ءمينيستردىڭ ايتۋىنشا، كوروناۆيرۋستىڭ قازىرگى شتامى (وميكرون ۆا.5) جوعارى جۇقپالىعىمەن سيپاتتالادى جانە دەلتا نۇسقاسىمەن سالىستىرعاندا الدەقايدا اۋرۋ جەڭىل وتەدى. بۇل ءوز كەزەگىندە ناۋقاستاردىڭ 94 پايىزدان استامى امبۋلاتوريالىق جاعدايدا ەمدەلەتىندىگىمەن دە راستالىپ وتىر. «ستاتسيونارلىق ەم قابىلدايتىن پاتسيەنتتەرگە قاتىستى تالداۋ جۇرگىزۋ كەزىندە 36 پايىزى 18 جاسقا دەيىنگى بالالار، 64 پايىزى ەرەسەكتەر ەكەنى، ال اۋىرعان ادامداردىڭ 52 پايىزىندا قوسالقى سوزىلمالى اۋرۋلارى بار ەكەنى انىقتالدى»، - دەدى ا. عينيات.

ونىڭ سوزىنە قاراعاندا، بىلتىرمەن سالىستىرعاندا ك ۆ ي-گە قاتىستى جەدەل مەديتسينالىق كومەكتى شاقىرتۋ سانى 3,7 ەسە ازايعان. بۇل كورسەتكىش تە اۋرۋدىڭ جەڭىل تۇردە ءوتىپ جاتقانىن ايقىندايدى. بۇدان بۇرىن حابارلانعانداي، مينيستر قىركۇيەك ايىندا كوروناۆيرۋستىڭ تارالۋى تومەندەۋى مۇمكىن ەكەنىن ايتتى.