12:15, 02 - تامىز 2022 | GMT +5
ق ر باس پروكۋراتۋراسى قىلمىستىق قۋدالاۋ قىزمەتىنىڭ باسشىسى تاعايىندالدى
نۇر- سۇلتان. قازاقپارات – ق ر باس پروكۋرورىنىڭ 2-تامىزداعى بۇيرىعىمەن اعا ادىلەت كەڭەسشىسى ساعيەۆ ەلدوس ءاليحان ۇلى باس پروكۋراتۋرانىڭ قىلمىستىق قۋدالاۋ قىزمەتىنىڭ باسشىسى بولىپ تاعايىندالدى، دەپ حابارلايدى قازاقپارات.
ق ر باس پروكۋراتۋراسى ۇسىنعان مالىمەتكە سۇيەنسەك، ساعيەۆ ە. ءا. ەڭبەك جولىن 2002 -جىلى اقمولا وبلىسىنىڭ پروكۋراتۋرا ورگاندارىندا باستاعان. تەرگەۋ جۇمىسىندا تاجىريبەسى مول.
قاراعاندى، قوستاناي وبلىستارىنىڭ قارجى پوليتسياسى ورگاندارىندا، سىبايلاس جەمقورلىققا قارسى قىزمەتىندە باسشىلىق لاۋازىمداردى اتقاردى. ماڭعىستاۋ، قوستاناي وبلىستارى بويىنشا سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ دەپارتامەنتتەرىن باسقاردى.
وسى قىزمەتكە تاعايىندالعانعا دەيىن باس پروكۋراتۋرانىڭ ارنايى پروكۋرورلار قىزمەتى باستىعىنىڭ ورىنباسارى بولدى. قۇقىق قورعاۋ ورگاندارىنداعى ەڭبەك ءوتىلى - 18 جىل.
