ەلىمىزدە ەكى اۋداننىڭ اتاۋى وزگەرەدى
قاراعاندى وبلىسىنىڭ وساكاروۆ اۋدانىنىڭ اتاۋى وزگەرتىلەدى. جەرگىلىكتى تۇرعىندار جيىرما جىل بويى «سارىبەل» تاريحي اتاۋىن قايتارۋ ماسەلەسىن كوتەرىپ كەلگەن بولاتىن. ۇكىمەت جانىنداعى رەسپۋبليكالىق ونوماستيكا كوميسسياسى وسى ماسەلەگە بايلانىستى ءبىراۋىزدان وڭ شەشىم قابىلدادى.
سونىمەن قاتار شىمكەنت قالاسى اكىمدىگىنىڭ جاڭا اۋدانعا «تۇران» اتاۋىن بەرۋ تۋرالى ۇسىنىسى دا قولداۋ تاپتى. سونداي-اق، كوميسسيا مۇشەلەرى مەملەكەتتىك مەنشىكتەگى ءبىرقاتار وبەكتىلەرگە اتاۋ بەرۋ جانە قايتا اتاۋ تۋرالى ۇسىنىسقا وڭ قورىتىندى بەردى.
«قوعامدا ونوماستيكا ماسەلەلەرىنىڭ الەۋمەتتىك ماڭىزى زور. بارلىق ۇسىنىستار ساراپتامالىق جانە عىلىمي ورتا وكىلدەرىنىڭ، سونداي-اق جەرگىلىكتى تۇرعىنداردىڭ قاتىسۋىمەن قارالادى. سوڭعى ۋاقىتتا كوميسسيا ءبىرىنشى كەزەكتە ازاماتتاردىڭ پىكىرىن ەسكەرىپ، ءبىرقاتار ماڭىزدى شەشىمدەر قابىلدادى»، - دەدى مادەنيەت جانە سپورت ءمينيسترى داۋرەن ابايەۆ.
