ۇزدىك عىلىمي قىزمەتكەر كونكۋرسىنىڭ ەرەجەلەرى وزگەرتىلمەك

نۇر-سۇلتان. قازاقپارات - جىل سايىن عىلىم سالاسىنىڭ ماماندارىنا تابىستالاتىن «ۇزدىك عىلىمي قىزمەتكەر» كونكۋرسىنا قاتىسۋ ەرەجەلەرى وزگەرۋى مۇمكىن.

جاڭا تارتىپتەر ەنگىزىلگەلى وتىرعان بۇيرىق جوباسى «اشىق» ن ق ا سايتىندا جاريالاندى، دەپ حابارلايدى قازاقپارات ءتىلشىسى.

مينيسترلىك وزگەرىستەر وتاندىق عالىمداردى قولداۋ جانە كونكۋرس ءۇشىن قاجەتتى قۇجاتتارعا قاتىستى بيۋروكراتيادان ارىلۋ ماقساتىندا جاسالىپ وتىرعانىن جەتكىزدى.

«ۇزدىك عىلىمي قىزمەتكەر» كونكۋرسىنا قاتىسۋ ءۇشىن ەندى مىناداي تالاپتار قويىلادى:

• كونكۋرسقا ج و و- نىڭ نەمەسە جوعارى وقۋ ورىندارىنان كەيىنگى ءبىلىم بەرۋ ۇيىمدارىنىڭ شتاتتىق عىلىمي قىزمەتكەرلەرى قاتىسادى. قاتىسۋشىدان قانداي دا ءبىر قىزمەت ورنىندا جۇمىس ىستەيتىنىن راستايتىن انىقتاما سۇرالمايدى؛

• ءبىر مارتە اتالعان سىيلىقتى العان ادام ەندى كونكۋرسقا تەك 10 جىلدان كەيىن قاتىسا الادى. بۇرىن ءبىر رەت سىيلىق يەلەنگەن عىلىمي قىزمەتكەر ءوز كانديداتۋراسىن 5 جىلدان كەيىن قايتا ۇسىنا الاتىن؛

• «جوعارى وقۋ ورنىنىڭ ۇزدىك وقىتۋشىسى» اتاعىنىڭ يەگەرلەرى اتالعان كونكۋرسقا ون جىل ىشىندە قاتىسا المايدى؛

• قاتىسۋشىنىڭ عىلىمي زەرتتەۋلەرى ەكونوميكاعا، قوعامعا، دەنساۋلىق ساقتاۋ، مادەنيەت، ەلدى باسقارۋ، مەملەكەتتىك قىزمەتتەرگە، وندىرىسكە، بىلىمگە جانە قورشاعان ورتاعا پايداسى تيگەن بولۋى كەرەك؛

• كانديداتتىڭ قۇجاتتارىنىڭ تولىقتىعىن تەكسەرۋ مەرزىمى الىنىپ تاستالادى. بۇرىن 10 كۇن ىشىندە قۇجاتتاردىڭ تولىق ءارى دايەكتى بولۋى تەكسەرىلەتىن؛

• كوميسسيا مۇشەلەرى مۇددەلەر قاقتىعىسى بولعان جاعدايدا كانديداتتىڭ عىلىمي جەتىستىكتەرىن باعالاۋ جۇمىستارىنا قاتىسپايدى؛

• كوميسسيانىڭ جەڭىمپاز تۋرالى شەشىمى كوپشىلىك داۋىسپەن قابىلدانادى. بەرىلگەن داۋىستار تەڭ بولعان جاعدايدا، كوميسسيا ءتوراعاسىنىڭ داۋىسى شەشۋشى بولىپ تابىلادى؛

• ۇمىتكەر جالعان نەمەسە دالەلدەنبەگەن مالىمەت ۇسىنسا، كوميسسيا شەشىمىمەن ول كەلەسى 3 جىل ىشىندە «ۇزدىك عىلىمي قىزمەتكەر» جانە «جوعارى وقۋ ورنىنىڭ ۇزدىك وقىتۋشىسى» كونكۋرستارىنا قاتىسۋىنا تىيىم سالىنادى.

بۇيرىق 15- تامىزعا دەيىن اشىق تالقىلاۋعا شىعارىلدى.