الماتىدا «قازاقستاننىڭ ۇزدىك تاۋارىنىڭ» جەڭىمپازدارى انىقتالدى

الماتى. قازاقپارات - الماتى قالاسىنىڭ اكىمدىگى «قازاقستاننىڭ ۇزدىك تاۋارى» وڭىرلىك كونكۋرسىنىڭ قورىتىندىسى بويىنشا ۇزدىك اتانعان كاسىپكەرلەردى ماراپاتتادى، دەپ حابارلايدى قازاقپارات ءتىلشىسى.

«قازاقستاننىڭ ۇزدىك تاۋارى» كورمە-بايقاۋى سياقتى الاڭدار دامۋ، جەتىلۋ، تانىلۋ ءۇشىن جاقسى مۇمكىندىك بەرەدى. بايقاۋعا قاتىسا وتىرىپ، كومپانيا ىلگەرىلەۋدىڭ جاڭا كەزەڭىنە شىعادى، بايقاۋ تالاپتارىنا قاراي ساپا ستاندارتتارىنا سايكەستىگىن راستايدى، ءوز ءونىمىن وتاندىق تاۋار وندىرۋشىلەردىڭ ۇلكەن كورمەسىندە ۇسىنۋعا مۇمكىندىك الادى»، - دەدى الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ.

2022-جىلدىڭ قاڭتار-ناۋرىز ارالىعىندا ءونىم شىعارۋ %28,5 عا ۇلعايدى، جۇمىسپەن قامتىلعاندار سانى %17,4 عا ءوستى جانە جۇمىس ىستەپ تۇرعان سۋبەكتىلەردىڭ سانى 2022-جىلعى 1- ساۋىردە %10,6 عا ءوستى.

«الماتىدا 2022-جىلعى قاڭتار-ناۋرىزدا شاعىن جانە ورتا كاسىپكەرلىك سۋبەكتىلەرىنىڭ ءونىم شىعارۋى 2854,6 ميلليارد تەڭگەنى قۇرادى. بايقاۋ قاتىسقان ءار ءوندىرۋشى كومپانيا جەڭىمپاز بولۋعا لايىقتى. دەگەنمەن بايقاۋدىڭ اتى بايقاۋ، ەلوردادا وڭتۇستىك استانانىڭ نامىسىن قورعايتىن ۇزدىك كومپانيالاردى انىقتادىق. بارلىق قاتىسۋشىعا العىس بىلدىرەمىن»، - دەدى الماتى قالاسى اكىمىنىڭ ورىنباسارى الىشەر ءابدىقادىروۆ.

الماتىلىق كومپانيالار «وندىرىستىك ماقساتتاعى ۇزدىك تاۋارلار»، «حالىققا ارنالعان ۇزدىك تاۋارلار»، «ۇزدىك ازىق-تۇلىك تاۋارلارى» نوميناتسيالارى بويىنشا باق سىنادى.

بايقاۋعا 77 كومپانيا قاتىستى، ونىڭ ىشىنەن 9 كاسىپورىن ۇزدىك اتانىپ، رەسپۋبليكالىق بايقاۋعا جولداما الدى.

ايتا كەتسەك، «قازاقستاننىڭ ۇزدىك تاۋارى» بايقاۋى 2006-جىلدان باستاپ وتكىزىلىپ كەلەدى.